PA’PUDIAN 87:7 - Sura' Madatu

⁷ Na iatu to sumengo sia iatu to sumayo la ma’kada kumua: O Sion lan lili’mu tu nanii mintu’ kalimbuang bobaku!

PA’PUDIAN 87:7 Referans Kwoze

PA’PUDIAN 36:9

Tau iato mai la dipedia’i sanda mammi’na lan banuamMi, sia la Mipairu’ dio mai to’ salu marasamMi.

YOHANES 1:16

Belanna dio mai kala’bianNa, anta timba tang tore pa’kamasean sola nasang.

YESAYA 12:3

Sia la parannu paimankomi untimba uai dio mai bubun kamakarimmanan.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

KADA OMBO’ LAKO RASULU’ YOHANES 21:6

Ma’kadami lako kaleku Nakua: Sundunmo. Akumote tu Alfa sia Omega, iamo pamulanna sia ma’katampakanna. Iatu to ma’rang la Kupairu’ uai kalimbuang katuoan, tu tang dialli.

YOHANES 4:14

Apa minda-minda unniru’i tu uai la Kubenni, tae’ nala ma’rang len sae lakona, belanna iatu uai Kubenni la mendadi kalimbuang lan kalena natikula’dak-la’dak sae lako katuoan tontong sae lakona.

KADA OMBO’ LAKO RASULU’ YOHANES 22:1

Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

1 OSSORANNA DATU 23:5

na patangsa’bu tu to ma’kampa babangan; na patangsa’bu tu la umpudi-pudi PUANG, tu la umpannonianni oni-onian, tu kusua unggaragai la dipopa’pudi-pudian.

2 SAMUEL 6:14

Tumbang-tumbangmi tu Daud dio oloNa PUANG sia ma’bayu lenang busa.

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

YOHANES 4:10

Mebalimi Yesu Nakua ungkuanni: Iakemmu tandai tu pa’kamaseNa Puang Matua sia minda tu umpa’kadaiko, kumua: benNa’ uai Kuiru’i, tae’ mutang malakumo lako, sia mangkamoko Naben tu uai marendeng.

PA’PUDIAN 46:4

Moi anna mongngo’ sia tikula’dak tu uainna, sia moi anna mintu’ buntu tiseno napobua’ tikula’dakna. Sela Apa Puangna mintu’ ma’dandan maritik urrondongkanni, sia iatu Kapenombanna Yakub iamo kipotambakuku matoto’. Sela

PA’PUDIAN 149:3

La ma’gellu’ sola nasangi umpudi sanganNa PUANG, la ma’ganda’-ganda’ sia la massu’dekan umpakendekan pa’pudian Puang!

PA’PUDIAN 68:26

Mintu’ to sumengo dolo dio tingayo, sia iatu to massu’dekan undi dio boko’, nalan tangnga tu anak dara ma’ganda’-ganda’.

YEHEZKIEL 47:1

Attu iato nabaamo’ sule lako to’ lalan tama Banua; kutiromi naden ia uai lolong lan mai diongna lu ampang Banua ma’palulako rampe matallo, belanna iatu tingo Banua ma’palulako rampe matallo, iatu uai lolong lan mai diongna lu sa’de kanan banua, rampe lo’na lu inan pemalaran.