PA’PUDIAN 87:4 - Sura' Madatu

⁴ La kugente’ tu Rahab sia Babel butung to untandaiNa’, susi dukato tu tondok Filistea sia Tirus sola Etiopia Kusa’bu’ kumua: Tau iate mai to dadi inde to!

PA’PUDIAN 87:4 Referans Kwoze

PA’PUDIAN 45:12

Ke naalai penaanna datu tu kamaballoammi, belanna iamo dipopuang, la tukkukomi lako.

PA’PUDIAN 68:31

Pagarrikki tu mai olo’-olo’ lan lu to’ marrang, sia pasangna mintu’ sapi laki sola anak sapinna tu mai bangsa. Kamu, tu ussolangi tu mintu’ to umbudanan salaka, pasisarak-sarakki tu mai bangsa naporai untanan ra’.

PA’PUDIAN 89:10

Kamumo tu umparenta mariakna tasik, Iake umbassan lenni tu bombangna, Kamuri tu umparadanni.

AYUB 9:13

Iatu Puang Matua tae’ Napatananni tu kare’dekan ara’Na, diong kuasanNa nanii tukku tu patunduanna Rahab;

KADA OMBO’ LAKO RASULU’ YOHANES 18:2

Melallakmi umpekapuai gamaranna nakua: Ro’pokmo, ro’pokmo tu tondok Babel kapua sia naniimo tonang mintu’ deata bulituk, sia nanii pentirerunganna mintu’ deata masussuk, sia pa’kurunganna manuk-manuk maruttak sia dikagi’gi’na.

KADA OMBO’ LAKO RASULU’ YOHANES 17:5

sia dio kidena den sanga misa’ disura’, iamo rasia: Tu Babel kapua, indo’na gau’ sala sia sanda kadake lan lino.

PENGGAURANNA RASULU’ 8:27

Ke’de’mi anna male. Denmi misa’ to Etiopia pa’bisara, kapala ada’ Kandake, datu baine dio Etiopia tu umpoissan mintu’ iananna, lao massambayang lako Yerusalem.

DANIEL 4:30

Ma’kadami tu datu nakua: Tangiaraka te tu Babel kapua, tu kubangun dipoisungan kadatuan tete dio kakapuanna kuasangku, dikua anna dipakala’bi’ tu kapayungangku.

YEHEZKIEL 28:2

E ma’rupa tau, pokadanni arungna Tirus kumua: Inde sia tu kadanNa Puangta PUANG, Nakua: Belanna mupamatampo tu penaammu ammu ma’kada kumua: Akumo misa’ deata, untorroina’ misa’ banua deata lan atena tasik, – moi ammu misa’ tolino, tangiako deata –, sia umpapadako kalemu misa’ deata lan penaammu.

YEREMIA 25:9

iamoto la Kusua tu mintu’ bangsa daa mai ulunna salu, kadanNa PUANG, sia ia duka tu Nebukadnezar, datu Babel, taungKu, sia la Kupasae tu tau iato mai ussanggangi te padang iate sia mintu’ pa’tondokanna, sia mintu’ bangsa tiku lao, sia la Kusabu’i butung pepayu sia la Kupopendadi apa napotiramban tau sia apa nabellu’i tau sia nabelle’i sae lakona.

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

YESAYA 19:11

Manassa tongan, kumua iatu mai arungna Zoan baga liu, iatu mai pa’bisara manakkana Firaun pa’timbangan baga. Umba la mikua ma’kada lako Firaun kumua: Akumo tu bati’ to paissan, akumo tu bati’ datu dolo?

PA’PUDIAN 137:1

Dio randan salu Babel, kinii sio’koran, angki tumangi’, tongki kilalai Sion.

1 SAMUEL 17:8

Iatu pa’barani iato bendan anna metamba-tamba lako tuntunan surodadu to Israel, nakua: Ma’apari mitassu’ ma’pampangan la parari? Tae’raka ku misa’ to Filistin te, na kamu sola nasang kaunanna Saul? Pileimokomi misa’ tau anna solo’ mai umpentammuina’.