PA’PUDIAN 86:8 - Sura' Madatu

⁸ Iatu mintu’ deata tae’ ussitinti batuangKomi, sia moi misa’ tae’ ussilioan panggaragamMi.

PA’PUDIAN 86:8 Referans Kwoze

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

PA’TOLE 3:24

O Puangku PUANG, Kamumo umparandukki umpatiroanni te taumMi tu kapasareonganamMi sia Kuasa matoto’Mi; belanna umbara deata, tu den dao langi’ ba’tu dao kapadanganna tu umbelai umpogau’ penggauran matoto’ susito, susitu Mipogau’?

PA’PUDIAN 89:6

Iamoto anna mintu’ tu daona langi’ umpudi penggauran kalle-kalleamMi, o PUANG, sia kamarurusamMi dipudi lan kombonganna to masallo’.

DANIEL 3:29

Iamoto angku pa’parentanni, kukua lako mintu’ tau, dio mai mintu’ bangsa ba’tu sangpetayanan ba’tu ma’rupa-rupa basana tae’ duka misa’ dipasalian, ke umpa’kada solangi Kapenombanna Sadrakh, Mesakh na Abednego, tau iato mai la dita’tak-ta’tak sia iatu banuanna la dipopendaun lauan, belanna tae’ tu kapenomban senga’, tu ma’din merampanan susito.

PA’PUDIAN 89:8

Iamotu Kapenomban metakuran tongan lan tinimbunna to masallo’, sia lendu’ nakataku’na mintu’ to untalimbungi.

YEREMIA 10:16

Apa tae’ nasusito tu taana Yakub; Iamo Tokumombong sanda mairi’ sia garonto’ mana’Na to Israel: tu digente’ PUANGna mintu’, ma’dandan maritik.

YESAYA 40:25

Mindara tu la mipasitintianNa’, kumua angKu sangtinti? kadanna To masero.

PA’TOLE 4:34

Ba’tu denmoraka misa’ deata untobai sae la unnalan kalena misa’ bangsa dio mai tangngana bangsa senga’, tete dio kadipandasan, tete dio tanda kalle-kallean sia tanda mangnga sia kasirarian, tete dio lima mawatang sia takia’ tie’te’ sia tete dio penggauran ma’patiramban, susitu Napogau’mo PUANG Kapenombammi, te mintu’na te lan Mesir belanna kamu dio pentiromu.

YESAYA 40:18

Mindara la mipasitintianNi tu Puang Matua sia rupa apara tu la mipasangrupanNi?

PA’PUDIAN 136:4

ia manna ia tu umpogau’ tanda kalle-kallean kapua, belanna iatu kamasokananNa tang tileluk sae lakona;

KATASSURAN 8:6

Naangka’mi Harun tu limanna lako mintu’ to’ uai Mesir, anna kendek tu tokko’ ussitutu’i tondok Mesir.

2 OSSORANNA DATU 2:4

Manassa, inang la kupabendanan misa’ banua tu sanganNa PUANG, Kapenombangku, la umpamaindananNi, la dinii umpennoloanni dio oloNa tu dupa busarungngu’, roti dipennoloan tang la ka’tu sia pemala’ ditunu pu’pu’, kemelambi’ sia kekaroen, lan allo katorroan, bunga’ sombona bulan, sia allo kapuanNa PUANG Kapenombangki. Iamote tu misa’ atoran dipapassanan to Israel tontong sae lakona.

PA’PUDIAN 89:7

Belanna mindara lan ba’tangna langi’ tu ma’din la dipasitenderan PUANG? Sia mindara tu mai disanga pekapuangan tu la sitinti batunna PUANG?

PA’PUDIAN 95:3

Belanna iatu PUANG iamo Kapenomban mala’bi’, sia iamo Datu kapua, tu untongloi mintu’ deata!

PA’PUDIAN 135:5

Kuissan, kumua pasareongan tu PUANG, sia iatu Puangta untongloi mintu’ deata.