PA’PUDIAN 86:2 - Sura' Madatu

² Rinding pala’i tu deatangku, belanna aku te to mengkaola; o Kamu, Kapenombangku, lendokanni tu taumMi tu umposande’Komi.

PA’PUDIAN 86:2 Referans Kwoze

PA’PUDIAN 4:3

E pia muane, sangapapa la ditunai tu kamala’birangku, sangapapokomi la umbudanan apa tang kebattuan, umparri-parri kamorangan?

PA’PUDIAN 25:2

O Kapenombangku, Kamumo kukatappa’i; ke ma’dinni da angku kasirisan, sia da nasende paiman tu ualingku diona kataloangku.

YOHANES 17:11

Tae’mo Kulan lino, apa tau iato lan lino, na Aku te saeNa’ lako Kalemi, o Ambe’ masero, karimmanni tu tau iato umpoparinding sangamMi, tu mangka Mipa’kamasean lako Kaleku, kumua anna mendadi misa’ susi Kita.

PA’PUDIAN 119:94

Akumo tu taumMi; lendokanna’ dikka’, belanna umpengkaolaimo’ mintu’ parentaMi.

PA’PUDIAN 31:1

Lu lakona pangala sengo, Pa’pudianna Daud.

PA’PUDIAN 18:19

Iatongku maparri’ narukka’na’ tau iato mai, apa PUANG ussande’na’.

PA’PUDIAN 16:1

Ianan ballona Daud. Karimmannina’, o Puang Matua, belanna Kamu kuposande’.

PA’PUDIAN 13:5

Da nama’kada tu ualingku kumua: kutalomo, sia da naparannu paiman tu balingku, ke tilende’na’.

ROMA 9:18

Iamoto anNa katuru-turui Puang Matua minda-minda tu Naporai, sia Ia umpabattukki tu penaanna minda-minda Naporai.

YOHANES 12:26

Iake den tau mengkaola lako Kaleku, la undi urrundu’Na’, sia iatu inan Kunii, inde dukamoto la nanii tu taungKu. Iake den tau mengkaola lako Kaleku, iamo Napamala’bi’ Ambe’.

PA’PUDIAN 143:12

Sabu’i tu mintu’ ualingku tete dio kamasokanamMi, sia roto’i tu mintu’ to umpasumpuna’, belanna akumo tu taumMi.

PA’PUDIAN 50:5

RampunanNa’ taungKu tu mekaaluk, tu mangka Kusibassean dipandanni pemala’!

PA’PUDIAN 37:28

Belanna iatu PUANG ungkabarii katonganan, sia tae’ Natampei tu to Naala mase, tau iato mai makarimman sae lakona, apa iatu bati’na to tang mekaaluk la diroto’i.

PA’PUDIAN 31:14

Belanna kurangimo tu kada boko’na buda tau, – kamatakuran tiku lao –; samaturu’ umpata’paina’ lima, sia undaka’ lalan ungka’tu sunga’ku.

1 SAMUEL 2:9

Ia ungkaritutui tu lentekna mintu’ pa’kaboro’Na, apa mintu’ to tang mekaaluk la sabu’ lan kamalillinan, belanna tae’ natete dio kamatotoranna tu misa’ muane pasau’.