PA’PUDIAN 86:13 - Sura' Madatu

¹³ Belanna kapua kamasokanamMi lako kaleku, sia Mirampanammo tu deatangku dio mai posi’na lino to mate.

PA’PUDIAN 86:13 Referans Kwoze

LUKAS 1:58

Mintu’na to sikandappi’na tiku lao sia mintu’na sangdadianna urrangii, kumua Napakapuamo Puang Matua tu kamamaseanNa lako, dadi menturu’ duka tu tau parannu penaanna.

PA’PUDIAN 56:13

Mati’ Kalemi, o Puang Matua, pato’ kunii umpalesso’ mintu’ pangallonangku mati’ Kalemi la kunii umpennoloan pemala’ pangallonan.

PA’PUDIAN 116:8

Belanna Mirampanammo tu deatangku dio mai kamatean, sia tae’ Miparandannina’ katumangiran, sia tang Mieloranna’ tilende’.

PA’PUDIAN 57:10

O PUANG, la kupudiKomi dio lu mintu’ bangsa, sia la umpakendekna’ pa’pudian mati’ dio lu mintu’ to sangpetayanan:

AYUB 33:28

Mangkamo tu Puang urrampanan sunga’ku dio mai lalan lu lako panglamunan, anna paiman tu deatangku untiro masiang.

1 TESALONIKA 1:10

sia untayan kasaeanNa AnakNa dao mai suruga, tu mangka Napamalimbangun dio mai to’ to mate, iamotu Yesu, tu ullendokangki’ dio mai kasengkean la sae undinna.

PA’PUDIAN 30:3

O PUANG, Kapenombangku, mangkamo’ meongli’ mati’ sia mangkamo’ Mipamatana.

PA’PUDIAN 16:10

Belanna tae’ Mila unneloranni tu sumanga’ku tama lino to mate, sia tae’ Mieloranni tu to Mipakaboro’ unnisungi inan tang merambu.

PA’PUDIAN 88:6

Sumpandanmo’ sola to mate, butung to mate dipongko tungngara lan tang merambu, tu tae’mo Mikilalai lenni, sia iatu tisabak ka’tu lan mai lisu pala’Mi.

AYUB 33:24

manassa la Nakamasei Puang sia la ma’kada Nakua: Rampananni, kumua da nalurokko panglamunan, Kuappa’mo tu pangla’bak.

YESAYA 38:17

Iatu kamaparrisan kapuaku membalimo kasalamarangku. Puangmo tu ullendokanna’ dio mai patuang lambe’ nanii kaburukan, belanna mintu’ kasalangku Mitibemo lako boko’Mi.

AYUB 33:18

la urrampanan deatanna diong mai panglamunan, sia iatu sunga’na da naka’tu kandean doke.

AYUB 33:22

naurungan iatu deatanna mengkareke’mo lako panglamunan sia iatu sunga’na ma’palulakomo kuasa ma’pamate.

PA’PUDIAN 108:4

O PUANG, la kupudiKomi lan lu mintu’ bangsa, sia la umpakendekna’ pa’pudian mati’ lan lu mintu’ to sangpetayanan.

PA’PUDIAN 30:4

O PUANG, mangkamo Miendekan tu deatangku lan mai lino to mate, sia mangkamo’ Mipatuo naurunganni tae’ angku tileak tama tondok tang merambu.