PA’PUDIAN 85:9 - Sura' Madatu

⁹ La kuperangii tu apa Napokada Puang Matua, PUANG. Belanna la umpokada kamarampasan lako taunNa sia lako mintu’ to sallo’Na; podo da natibalik tu tau iato mai sule lako kabaganna.

PA’PUDIAN 85:9 Referans Kwoze

ZAKHARIA 2:5

Sia Aku kalena la napobenteng api tiku lao, kadanNa PUANG, sia la napokamala’biran lan.

YESAYA 46:13

Iatu kamaloloangKu Kupopengkareke’mo, tae’mo anna mambela sia iatu kasalamaran lu dio mai Kaleku tae’ nala malelan; sangadinna Aku la ungkamasei kasalamaran tu Sion sia kamala’birangKu tu to Israel.

YOHANES 7:17

Iake den tau morai umpogau’ pa’poraianNa Puang Matua, la natandai te pangadaran iate, kumua lu dioraka mai Puang Matua, ba’tu tuo lu dio bangraka mai Kaleku.

LUKAS 2:32

Iamotu parrang unnarrang to kalillinan sia misa’ kamala’biran lako taumMi to Israel.

ZAKHARIA 2:8

Belanna, inde sia tu kadanNa PUANGna mintu’ ma’dandan maritik, tu kamala’biranNa ussuana’, diona mintu’ bangsa, tu mangka umpangrampaikomi – belanna minda-minda tu urrumbukomi, iamo urrumbu mata taunNa –,

YEHEZKIEL 26:20

attu iato la Kupopengkalaoko sola tau iato mai, tu mengkalao rokko panglamunan umpengkara’pai nene’ to dolona; la Kupatorroko diong lino to mate diong to’ batu manisak dolo-dolona, sola tu to mengkalaomo rokko panglamunan, dikua damo ammu dipa’tondokki len, sia damo ammu malimbangun sule lan lino to tuo.

PA’PUDIAN 50:23

Minda-minda tu umpennoloan pa’kurre sumanga’, iamo umpakala’bi’Na’, sia iatu to malolo lalanna, la Kupakitan kasalamaran lu dio mai Puang Matua.

PENGGAURANNA RASULU’ 13:16

Ke’de’mi tu Paulus umpopangimba limanna sia ma’kada nakua: E, to Israel sia kamu tu ungkataku’na Puang Matua! perangiimi!

YOHANES 1:14

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

YESAYA 4:5

Attu iato la Napadadi PUANG tu saliu’ ke allona sia iake mabonginna la Napabu’tu tu rambu sola arrang api ma’laka-laka dao lu mintu’ tu apa mala’bi’ la den tu sambona.

PA’PUDIAN 119:155

Toyang ia tu kasalamaran dio mai to tang mekaaluk, belanna tae’ anna anga’ lenni tu apa Mipondok.

1 SAMUEL 3:9

Iamoto ma’kadami tu Eli lako Samuel, nakua: Malemoko mamma’ sule’; iake Natambai pole’ko, la mebaliko mukua: Ma’kadamoKomi PUANG, belanna napatananmo tu talinganna taumMi. Malemi tu Samuel anna mamma’ sule dao inanna.

YEREMIA 23:35

Pada la mipokada lako solami sia lako siulu’mi, kumua: Apa tu Napebalian PUANG, ba’tu: Apara tu Napokada PUANG?

YEREMIA 23:37

La ma’kadako lako nabi iato mai kumua: Apa tu Napebalian PUANG lako kalemu, ba’tu: Apara tu Napokada PUANG?

YEREMIA 29:11

Belanna Kutandai tu pa’tangngaran tu Kutangnga’ diona kamu, kadanNa PUANG, iamo pa’tangngaran diona kamarampasan, tangia kamandasan, kumua angKu kamaseangkomi undinna tu attu mirannuan tu melona.

YEHEZKIEL 3:10

Ma’kadami lako kaleku Nakua: E ma’rupa tau, iatu mintu’ kada tu la Kupokadangko, la mupariba’tang tongan sia la mupalanda’ tongan tama pa’perangimmu.

HABAKUK 2:1

La bendanna’ dao menara pa’kampangku sia la tunannangna’ dao benteng tembo’ tu kunii ummanta-mantai tu apa la Napokada Puang lako kaleku sia apa la kupebalian sarroku.