Attu iato la Kuputtai tu mintu’ kareta dio mai Efraim sia darang dio mai Yerusalem, sia ia duka tu pana dipake parari; sia la umpakalelean kamarampasan lako mintu’ bangsa, sia iatu kaparentanna la randuk dio mai tasik sae lako tasik sia dio mai Salu sae lako randan langi’.
Apa moi susito tae’ namatumba len, belanna iatu parandangan matoto’Na Puang Matua bintin, na iatu pearra’na, kumua: Natandai Ia Puang Matua tu taunNa; sia nakuapa: Minda-minda tu ussa’bu’ sanganNa Puang, la umboko’i kakelokan.
La bendanna’ dao menara pa’kampangku sia la tunannangna’ dao benteng tembo’ tu kunii ummanta-mantai tu apa la Napokada Puang lako kaleku sia apa la kupebalian sarroku.
Kamarampasan Kutampeangkomi, ontongpi kamarampasangKu kalena Kusorong lako kalemi, tangia susinna tu nasorong te lino, tu Kusorong lako kalemi. Da narosso penaammi sia da miselang.
Iatonna saemo tu anakna Yakub dio mai padang anna rangii tu iannato, mapa’di’mi tu penaanna sia re’dek tongan tu ara’na, belanna mangkamo tu Sikhem ma’gau’ baga dio to Israel, nagau’ sala tu anakna Yakub, tu inang tang sipatu napogau’.
Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.
Apa totemo, tu untandaimokomi Puang Matua, ontongpi Natandaimokomi Puang Matua, umba nakua ammi balik pole’o lako tu aluk lino dolo, tu langga’na sia kalala’na, naurunganni la umpopengkaola pole’omokomi kalemi lako?
Iamoto tu kada Naparampo lako to Israel tonna umpa’peissanan Kareba-kaparannuan, kumua den kasikaeloan tete dio Yesu Kristus; Iamo Puangna angge maritik.
Karua allona mangkanna to sirampunomi tu anak gurunNa Yesu lan banua lan dukamo sola tu Tomas. Iatonna tisalli’mo tu ba’ba banua, saemi tu Yesu bendan lan tangnga sia Nakua: Siriakomi kamarampasan!
Iatonna makaroenmo tonna allo bunga’na lan minggu iato, disalli’ bangmo tu ba’ba banua nanii anak gurunNa torro belanna mataku’ lako to Yahudi, pakalan Nata’pa sae bangmo bendan lan tangnga-tangngana tinde tau tu Yesu sia Nakua ma’kada lako: Siriakomi kamarampasan!
Nakuami tinde baine: Moi misa’ tae’ duka, Puang. Nakuami Yesu: Aku te tae’ duka Kula urra’ta’i kumua la diukungko; laomoko, sia randuk te totemo da’mo mupogau’ kasalan.
Da nadampangi puang tu Nabal, to kadake, belanna susi sanganna susi dukato tu kedona. Nabal tu sanganna sia ia duka tu kabagan dio kalena. Iatu aku tae’ kutiroi tu taummi tu misua.