PA’PUDIAN 85:4 - Sura' Madatu

⁴ Mirampanammo tu mintu’ kare’dekan ara’Mi, sia Mitoyangan tu Kalemi dio mai kasengkean ma’lulu-lulumMi.

PA’PUDIAN 85:4 Referans Kwoze

PA’PUDIAN 80:3

Angkarammi dio tingayona Efraim sia Benyamin na Manasye tu kalalongamMi, amMi mai ullendokangkan.

PA’PUDIAN 80:7

Mitananmokanni napenggaronto’i kasigaganna bali lembangki, sia nasitelleikan mintu’ ualingki.

MIKHA 7:7

Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.

BATING 5:21

O PUANG, solammokan sule lako Kalemi, manassa la sulekan mati’. Ba’rui tu alloki susi tonna dolona!

MALEAKHI 4:6

Iamo la umpatibalikki tu penaanna mintu’ ambe’ lako anakna sia penaanna mintu’ anak lako ambe’na, kumua da Kusae ussabu’i tu tondok butung pepayu.

PA’PUDIAN 80:19

Iake susito, tae’mo angki la balik dio mai Kalemi, patuokanni angki meongli’ ussa’bu’ sangamMi.

PA’PUDIAN 27:1

Pa’pudianna Daud. PUANGmo tu arrangku sia oto’na kasalamarangku, mindapara la kukataku’? PUANGmo tu tambakukunna sunga’ku, mindapa la kukagiang?

PA’PUDIAN 25:2

O Kapenombangku, Kamumo kukatappa’i; ke ma’dinni da angku kasirisan, sia da nasende paiman tu ualingku diona kataloangku.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

YEREMIA 31:18

Tonganna Kurangi tu Efraim sumarro, nakua: Mangkamo’ Mipa’dikki, sia dipa’dikkina’ susi sapi mangura tu tae’pa nadipamanaran; patoba’na’, angku mengkatoba’, belanna Kamumo, o PUANG, Kapenombangku.

YOHANES 4:22

Manassa kamu te umpenombaikomi apa tang mitandai; kami kami umpenombaikan apa kitandai; belanna iatu kadikarimmanan lu dio mai to Yahudi.

YESAYA 10:25

Belanna sangattu’mora sia tae’mo namasai anna tappu tu kare’dekan, nalu lako kasangganganna tau iato mai tu kasengkeangKu.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

YOSUA 7:26

Mangkato napabendannimi tau misa’ tombonan batu daona lu, tu tontong sae lako allo iate. Namane PUANG umparapa’i tu kare’dekanna ara’Na. Iamoto nasangai tau tu inan iato lombok Akhor sae lako allo iate.

YESAYA 12:1

Allo iato la ma’kadako mukua: La kupudi-pudikomi, o PUANG, belanna moi amMi sengkeina’, apa meremo tu sengkeMi, Mipakatanamo’.

HOSEA 11:9

Tae’ angKu la umpalanda’i tu kasengkean dukkungKu, tae’ra angKu tarru’ la ussanggangi tu Efraim. Belanna Akumo tu Puang Matua tangia tolino, maindanNa’ lan lu tangngami, sia tae’ angKu la sae situang kasengkean dukku-dukku.