PA’PUDIAN 85:12 - Sura' Madatu

¹² Iatu kamarurusan la bu’tu diong mai atena padang. Na iatu kamaloloan la mentiro lumbang dao mai ba’tangna langi’.

PA’PUDIAN 85:12 Referans Kwoze

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

PA’PUDIAN 67:6

Sangapaoi anna pudiKomi mintu’ bangsa, o Puang Matua, ondongpi mintu’ bangsa massola nasang la umpudiKomi.

SURA’ KATOMINAAN 26:4

la Kupasaeangkomi uran, ke attunnai, anna pakendek burana tu padang sia la membua tu kayu lan pa’lak.

1 KORINTUS 1:30

Apa bannang dio mai Puang Matua ammi lan Kristus, tu mendadi kakinaan tapokinaa dio mai Puang Matua sia kamaloloan sia kadiseroian sia kadila’bakan;

EFESUS 1:3

Mintu’na kadipudian lu langngan Puang Matua, tu Ambe’Na Puangta Yesu Kristus, tu mangka umpasiriaki’ mintu’ kamauparan mempenaa dao suruga lan Kristus.

PENGGAURANNA RASULU’ 21:20

Iatonna rangii tau tu iannato, umpakala’bi’mi Puang Matua sia nakua lako Paulus: E siulu’, mutiromo, maka la pira ia sa’bu tu to Yahudi ma’patonganmo, apa tontong nasang bangpa parruk ungkaritutui Sukaran aluk.

MATIUS 13:23

Na iatu tiambo’na rokko to’ padang lunak, iamotu to urrangii tu kada iato anna pemanassai; namembua melo tongan, naumpakendek burana, den manglokkon pessaratu’, den pennannan pulona, den pentallungpulo.

ZAKHARIA 8:12

Belanna iatu banne diambo’ la dadi, iatu garonto’na anggoro’ la membua, iatu padang la membura sia iatu langi’ la umpato’do ambunna; angKu pa’kamasean nasangi te lako te bangsa torronapa la napomana’.

MIKHA 6:8

Napokadammoko, e tolino, umba tu melo sia apa tu Natuntun PUANG dio mai kalemu: tae’ senga’na, sangadinna umpogau’ kamalamburan sia ungkamali’kamarurusan sia umpamadiong penaa lolang sikadamak Kapenombammu.

PA’PUDIAN 72:16

Sangapaoi anna untonda alanna tu gandung dio lu padang, sia anna lo’le-lo’le tu buanna dao lu mentanetena susi kayu dio Libanon, sia ia duka tu to ma’tondok marumbo butung riu dio lu padang.

PENGGAURANNA RASULU’ 2:41

Ma’popedio’mi tu mintu’ to untarimai tu kadanna; keranganmi bilanganna tonna allo iato agi-agi tallungsa’bu tau.

MATIUS 13:8

Sia den pira tu ta’pa rokko to’ padang lunak namembua, den manglokkon pessaratu’, den pennannan pulona den pentallungpulo.

YESAYA 32:15

Sae lako attu ditua’na lako kaleta tu Penaa dao mai inan madaona. Attu iato padang rangke la membali pa’lak lunak sia iatu pa’lak lunak la susi pangala’.

SURA’ KATOMINAAN 25:19

Sia iatu padang la umbenkomi burana sia la mikande sadia’mi, ammi tuo marampa’ lan tondok.

YESAYA 45:8

Tumarantankomi, e langi’, sia e mintu’ salebu’, patibolloi tu uran kamaloloan; la tikillang tu lipu daenan, anna tuo tu kasalamaran, sia pada napopellolo kamaloloan; Akumo, tu PUANG, tu umpaden nasangi te.