PA’PUDIAN 85:11 - Sura' Madatu

¹¹ Iatu kamasokanan sia kamarurusan sitammu sikurre sumanga’, sia kamaloloan anna kamarampasan sipa’dikkanan.

PA’PUDIAN 85:11 Referans Kwoze

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

YESAYA 45:8

Tumarantankomi, e langi’, sia e mintu’ salebu’, patibolloi tu uran kamaloloan; la tikillang tu lipu daenan, anna tuo tu kasalamaran, sia pada napopellolo kamaloloan; Akumo, tu PUANG, tu umpaden nasangi te.

EFESUS 1:6

la umpabu’tuanni kadipudian tu kamala’biran pa’kamaseanNa, tu Napa’kamasean lako kaleta lan Pa’kaboro’Na.

LUKAS 2:14

Mintu’na kadipangkeran lu langngan nasang Puang Matua dao madona, sia kamarampasan lan lino lako to Nakaelo.

MATIUS 17:5

Marassan bangsia ma’kada-kada, pakalan denmi sangleon gaun parrang unnonganni; narangimi tu gamara lan mai gaun iato nakua: Iamote tu Anak Pa’kaboro’Ku, Ia dukamo nanii kasendeangKu; perangii.

MATIUS 3:17

Ta’kala saemi gamara dao mai langi’, nakua: Iamote tu Anak Pa’kaboro’Ku, tu Nanii kasendeangKu.

YESAYA 53:2

Belanna tuomo dio oloNa Puang susi taruk mangura, sia susito uaka’ mentaruk dio to’ padang rangke, tae’ namelo sia mala’bi’ rupanna, anta la untiroi, ba’tu pa’kaleanna anta la ungkamali’i.

YESAYA 42:21

Belanna kamaloloanNa anna alai penaanNa PUANG umbenni pangadaran kapua sia mala’bi’.

YESAYA 4:2

Allo ia dukato iatu apa Napopentaruk PUANG la napobelo sia napomala’bi’ tau, sia iatu bura padang la napomaballo sia la napokassa’ maramba’ to Israel tilendokmo.

2 KORINTUS 5:21

Anna Ia tu tang narandan kasalan, mangkamo Napopendadi kasalan ussondaki’, kumua anna kita mendadi kamaloloanNa Puang Matua diona Ia.

PA’PUDIAN 72:3

Sangapaoi anna mintu’ buntu, sia tanete duka umpabu’tu kamarampasan lako tau iato diona kamaloloan.