PA’PUDIAN 84:9 - Sura' Madatu

⁹ O PUANG, Kapenombanna mintu’ ma’dandan maritik, perangii tu passambayangku, patananni tu talingamMi, o Kapenombanna Yakub! Sela

PA’PUDIAN 84:9 Referans Kwoze

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

PA’PUDIAN 132:17

Diomo la Kunii umpatuoanni misa’ tanduk tu Daud, sia Kuparandanammo palita tu to Kutokko.

PA’PUDIAN 98:1

Pa’pudian. Penanianni misa’ nanian ba’ru tu PUANG, belanna mangkamo umpogau’ apa kalle-kallean, lima kananNa sia takia’ maindanNa umpadenanni kapataloan.

PA’PUDIAN 89:20

Tonna attu iato ma’kadamoKomi lako to masallo’Mi lan patiro mendeata, susite: Mangkamo Kulampakan pa’tunduan tu misa’ lalong, sia Kupamatandemo tu misa’ to dipilei langsa’ lan mai bangsa iato.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

PENGGAURANNA RASULU’ 4:27

Belanna tonganna tongan lan te tondok iate mangkamo sirampun tu sia Herodes na Pontius Pilatus sola to kapere’ na mintu’ bangsa Israel unnea Yesu To masallo’Mi, tu mangka Mitokko,

PA’PUDIAN 59:11

KamasokananNa Kapenombangku untammuina’, pissanmi to, la Naeloran dukana’ Puang Matua untiroi tu kasangganganna mintu’ to umpandasana’.

PA’PUDIAN 3:3

Buda tau umpokadana’ kumua: Tae’ pa’tunduanNa Puang Matua lako kalena. Sela

PA’PUDIAN 2:6

Manassa mangkamo Kupamatu’tun tu datungKu, dao Sion buntu maindanKu!

2 OSSORANNA DATU 6:42

O PUANG Kapenomban, da Mitananni boko’ tu to ditokkoMi, kilalai tu mintu’ pa’kamasemi lako Daud, taumMi.

2 SAMUEL 23:1

Iamote tu tampak kadanna Daud: Pa’pangada’na Daud, anakna Isai, sia pa’pangada’na to dipalayang tanduk, tu Natokko Kapenombanna Yakub, tu dikaboro’i lan pa’pudianna to Israel.

1 SAMUEL 16:6

Iatonna tamamo tu tau iato mai, natiroi Samuel tu Eliab, saemi lan penaanna: Manassa iamote bendan tu to Natokko PUANG dio oloNa.

1 SAMUEL 2:10

Minda-minda sigaga PUANG, la disanggang; la gumaluntu’ tu Puang lako kalena dao mai langi’. PUANG umpaolai salu tu mintu’ randan langi’, Ia la ungkamaseanni kamawatangan tu datunNa, sia la umpataranggai tandukna tu to Natokko.

PA’TOLE 33:29

Maupa’ko, e to Israel; mindara susimmu? Iamotu misa’ bangsa Nalendokan PUANG, tu balulang patunduammu sia pa’dang kamatandeammu. Iamoto na iatu ualimmu unna’ga to mengkanorong bangmo kalena lako kalemu, sia mulese tu padang madaona.

PA’PUDIAN 17:1

Passambayangna Daud. Perangii tu malambu’na, o PUANG! sia palan ara’i tu pengkamoyaku, tananni talinga tu passambayangku tu nasa’bu’ randan puduk tang ma’bangko malute.