PA’PUDIAN 84:7 - Sura' Madatu

⁷ Iake unnolai lombok rangke natuoi tallubeke, nabilang kumua padang nasitutu’i kalimbuang boba, sia nasakka’i rongko’ bunga’ uran.

PA’PUDIAN 84:7 Referans Kwoze

SARAMBU PEADA’ 4:18

Apa iatu lalanna to malambu’ susito arrang bu’tu melambi’, samasai-sainna saparrang-parrangna sae lako masiangna tongan.

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

2 KORINTUS 3:18

Apa kita sola nasang te tang membungku’na, nanii bayo-bayo kamala’biranNa Puang butung misa’ sammin, sia membaliki’ susitu rupa iato nasakendek-kendekna kamala’biranta, susitu lu diona mai PenaanNa Puang.

AYUB 17:9

Moi nasusito iatu to malambu’ umpatontong lalanna, sia minda-minda tu masero limanna la kerangan tu kamatotoranna.

2 PETRUS 3:18

sangadinna sakendek-kendekmi lan pa’kamasean sia kauntandaian diona Puangta sia To pakarimmananta, Yesu Kristus. Lu lako Kalena tu kamala’biran, la totemo te, la attu tontong sae lakona. Amin.

PA’PUDIAN 43:3

Pasonglo’mi tu maseroMi sia kamanapparamMi; anna anta’na’, sia umbaana’ langngan buntu maseroMi, sia lako inan Minii torro,

PA’TOLE 16:16

Pentallun lan sangtaun pantanni tu muane dio lu kamu, la mennolo dio oloNa PUANG, Kapenombammu lan tu inan, tu la Napilei Puang, iamotu ke pa’gauran roti tang diragii sia ke pa’gauran minggu sia ke pa’gauran pekalumban. Apa tae’ anna la mennolo lo’bang dio oloNa PUANG;

YOHANES 14:3

Sia iangKu lao angKu mangka umpasakkarangkomi inan, la suleNa’ untammuikomi, dikua anna iatu Kuninna, ia duka minii.

YOHANES 1:16

Belanna dio mai kala’bianNa, anta timba tang tore pa’kamasean sola nasang.

PA’PUDIAN 42:2

Susi donga ungkabarii salu, ten dukamoto tu penaangku ungkamali’Komi, o Puang Matua.

YOHANES 15:2

Iatu mai tang membuanna tu tangkeKu Nata’takki; sia iatu mai membuanna Naseroi, kumua nasatarri’-tarri’na buanna.

YEREMIA 31:6

Belanna bu’tumo tu allona, ke metambai tu to ma’kampa dao buntu Efraim, nakua: Maikomi, takendek langngan Sion mennolo lako PUANG, Kapenombanta.

1 TESALONIKA 4:17

na undinna iatu kita tuonapa, te torronapa, la simpolo diangka’ tama gaun sisola tu tau iato untammui Puang lan masuanggana, na susimoto la tontongki’ sisola Puang.

YOHANES 6:39

Apa inde sia tu pa’poraianNa tu Ambe’ ussuaNa’ kumua: iatu mintu’na Nasorong lako Kaleku, tae’ Kula kapa’dean len, sangadinna la Kupamalimbangun ke allo katappurannai lino.

ZAKHARIA 14:16

Mintu’ tu torronapa tu mintu’ bangsa, tu ullaoi Yerusalem, la male, ke taunoi menomba lako olona Datu, iamo tu PUANGna mintu’ ma’dandan maritik, sia la umpakaraya allo kapua pekalumban.

YESAYA 46:13

Iatu kamaloloangKu Kupopengkareke’mo, tae’mo anna mambela sia iatu kasalamaran lu dio mai Kaleku tae’ nala malelan; sangadinna Aku la ungkamasei kasalamaran tu Sion sia kamala’birangKu tu to Israel.

LUKAS 2:24

sia la umpemalaran pemala’, susitu dipokada lan Sukaran alukNa Puang: tu bu’ku’ da’dua ba’tu da’dua anak bu’ku’ ala’.

PA’PUDIAN 122:2

Susimoto, kilesemo tu babanganmu, e Yerusalem.

YESAYA 58:11

Sia PUANG tontong la urrendenko sia Napedia’i tu kalemu, moi ammu dio lu padang rangke sia la Napamawatang tu mai bukummu, ammu susito pa’lak disakka’i sia susito kalimbuang tang ma’ti.

YEHEZKIEL 34:26

La Kupadadi kamauparan tu tau iato mai, ondongpi tu mintu’ apa untikui taneteKu, sia la Kupasaean uran ke attunnai; la dadi uran ma’palobo’.