PA’PUDIAN 84:4 - Sura' Madatu

⁴ Ia duka tu dena’ ungkabu’tuimo inan nanii, sia iatu kaluppini’ den serangna, napannai anakna, sikandappi’ inan pemalaran lako Kalemi. O PUANGna mintu’ ma’dandan maritik, o Datungku sia Kapenombangku.

PA’PUDIAN 84:4 Referans Kwoze

PA’PUDIAN 65:4

Ma’rupa-rupa kakadakean untaloina’, apa mintu’ salaki la Miseroi.

PA’PUDIAN 23:6

Inang manassa tontongna’ nasa’pi’ kameloan sia kamasokanan angge tuoku, sia la torrona’ lan banuanNa PUANG tontong sae lakona.

PA’PUDIAN 27:4

Misa’ tu mangka kupalaku dio mai PUANG; iamoto tu la kutuntun, kumua: angku ma’din torro lan banuanNa PUANG angge tuoku, la untiro lindo kamasokananNa PUANG, sia unnannungi tu iannato lan banua kabusunganNa.

PA’PUDIAN 71:8

Iatu sadangku buke kapa’pudian lan lako Kalemi, sia untendeng kamala’biramMi kiallo-kiallo.

PA’PUDIAN 42:11

Butung misa’ petobok lan lu bukungku, susimoto tu nabe’seanna’ mintu’ to unneana’, belanna tontong bangna’ nakuan kumua: Umbamira tu Kapenombammu?

PA’PUDIAN 145:21

La nasa’bu’ tongka’ dililaku tu mai kada umpudi PUANG, sia sangapaoi anna mintu’ kepenaanna umpudi tu sanga maseroNa landa’ sae lakona.

PA’PUDIAN 71:15

La nasa’bu’ tongka’ dililaku tu kamaloloamMi, sia kasalamaran lu dio mai Kalemi kiallo-kiallo, belanna tang kukemba’ kuia’ tu bilanganna.

KADA OMBO’ LAKO RASULU’ YOHANES 7:15

Iamo bannangna to anna dio olo isungan kapayunganNa Puang Matua, sia anna menomba lako Kalena allo bongi lan inan kabusunganNa; sia Puang tu unnisung dao isungan kapayunganNa la ungkulambu tarunoi.

PA’PUDIAN 42:5

Iake kukilalai tu diona te, mamalling tu penaangku lan ba’tengku: Iamotu tumbai tu kamangkangku ussolan to buda, ma’baanan lako banuanNa Puang Matua, sila’tekan sia ussa’bu’ pa’pudi-pudian, iamotu to buda tu umpakaraya allo kapua.

PA’PUDIAN 5:3

Tananni talinga tu pengkamoyaku, o Datungku, o Kapenombangku, belanna mati’ Kalemi kunii malaku.