PA’PUDIAN 84:12 - Sura' Madatu

¹² Belanna PUANG Kapenomban, iamo matanna allo sia balulang toto’, sia PUANG umpa’ben pa’kamase sia kamala’biran; sia tae’ duka kameloan tang Naben to lolang malambu’.

PA’PUDIAN 84:12 Referans Kwoze

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

YESAYA 30:18

Iamoto ma’tayan-tayan duka tu PUANG la ungkamaseikomi sia la bendan duka, anNa karimmannikomi, belanna PUANG iamo Puang Matua tu umpogau’ kamalamburan, maupa’ tu mintu’ to untayannI!

YESAYA 50:10

Mindarakomi tu ungkataku’ PUANG sia umperangii kadanna taunNa? Iake lumingkai nakabu’ kamalillinan sia tae’ kamasiangan dio, la urrannuan sanganNa PUANG sia sande’ lako Kapenombanna.

PA’PUDIAN 2:12

Pangke’i tu Anak da Nasengke sia da misanggang dio lu lalan, belanna madomi’ re’dek tu ara’Na, maupa’ tu mintu’ to umposande’I.

PA’PUDIAN 34:8

Iatu Malaeka’Na PUANG lumiling, ungkampai mintu’ to ungkataku’ Puang sia urrinding pala’ tau iato mai.

PA’PUDIAN 3:4

Apa, o PUANG, Kamumo tu balulang perindingku, Kamumo tu kamala’birangku, sia Kamumo tu umbangunan ulungku.

PA’PUDIAN 125:4

O PUANG, sangapaoi amMi patiroi melo tu mintu’ to melo penaanna, sia lako to ma’bulo lollong.

YESAYA 60:19

Iatu allo tae’mo mupoarrangi ke allo sia iatu bulan tae’mo nala umpadukkuangko arrangna; sangadinna PUANG la mupoarrang matontongan sia Kapenombammu mupomala’bi’.