PA’PUDIAN 83:18 - Sura' Madatu

¹⁸ Da’ito anna kasirisan tu tau iato mai sia tiramban tontong sae lakona, sia da’ito anna maila’ sia anna sanggang.

PA’PUDIAN 83:18 Referans Kwoze

KATASSURAN 6:3

Sia tae’ Kutanan mannai tu basseKu sola tau iato mai la ungkamaseanni tu tondok Kanaan, iamotu tondok pempueanna, tu mangka nanii mempue.

PA’PUDIAN 59:13

Iatu motokan lilana, iamo kasalan sun dio pudukna, iamoto melo ke ditingkanni natumang matampona, sia belanna tampak ropunna sia mo’rang nasa’bu’.

YEHEZKIEL 38:23

La Kupasombo tu Kaleku, kumua pasareongan sia madatu sia umpa’petandan Kaleku lako buda bangsa anna tandai, kumua Akumo tu PUANG.

PA’PUDIAN 97:9

Belanna Kamumo, o PUANG, tu patodoranna lan mintu’ narande tana, sia Kamumo tu layukna anna mintu’ deata.

YEREMIA 16:21

Iamoto te attu iate la Kupaissanan tau iato mai, la Kupaissanan tu kamatotoranna limangKu sia kuasangKu, anna tandai kumua PUANG iamo sangangKu to.

2 DATU 19:19

Iamoto, o PUANG, Kapenombangki, lendokangkan dio mai kuasanna, anna issanni mintu’ kadatuan lan te lino, kumua Kamu mannari, o PUANG, tu Kapenomban.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

YEHEZKIEL 30:19

SusiMo’to la umparampoi ukungan tu Mesir, anna tandai tau iato mai, kumua Akumo tu PUANG.

YESAYA 42:8

Akumo tu PUANG, iamoto tu sangangKu sia kamala’birangKu tae’ angKu benni to senga’, sia iatu kadipudiangKu tae’ angKu palulakoi rapang-rapang dipodeata dipa’.

MIKHA 4:13

Bendanko sia lullu’i, e anak dara Sion, belanna iatu tandukmu la Kupopendadi bassi sia iatu kanukummu la Kupopendadi tambaga ammu nisak-nisakki tu ba’tu pira-pira bangsa sia la musabu’i, dipemalian PUANG tu saro bu’tu kadakena sia mintu’ apanna la mupa’pemalian Puangna mintu’ lino.

1 DATU 18:37

Pebaliina’, o PUANG! pebaliina’, anna issanni te tau buda, kumua Kamuri, o PUANG, Kapenomban, sia kumua Mipatibalikki tu penaanna tau iate mai.

YESAYA 54:5

Belanna iatu muanemu, Iamo To tumampamu, PUANGna mintu’ ma’dandan maritik sanganNa; sia iatu Pela’bakmu, iamo To maserona to Israel, tu digente’ Kapenombanna mintu’ lino.

PA’PUDIAN 92:8

Iake lobo’i tu to tang mekaaluk susi riu, sia memba’ka’ tu mintu’ to umpogau’ kakadakean iatu iannato, kumua anna sabu’ nasang tu tau iato mai sae lakona.

PA’PUDIAN 9:2

La ponno penaangku umpudiKomi, o PUANG, sia la kuulelean tu mintu’ penggauran kalle-kalleamMi.

PA’PUDIAN 9:16

Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.

KADADIAN 22:14

Nasangaimi Abraham tu inan iato: PUANG umpadenni. Iamoto anna sae lako totemo nakua tu tau: Dao buntu Nanii PUANG la umpadenni.

ZAKHARIA 4:14

Ma’kadami nakua: Iamote tu da’dua to diminnakki, tu bendan dio oloNa Puangna mintu’ lino.

DANIEL 4:25

La naali’komi tau dio mai sangbilangan tolino na iatu katorroammi la sisola olo’-olo’ dio lu padang; anna pakandekomi tau riu ten to sapi, ammi dipopa’elo’na nasakka’i ambun dao mai langi’; la nalambi’ pempitu attu la minii susito sae lako miakunna, kumua Puang Patodorana ungkuasai kadatuanna tolino sia Nakamasei tu minda-minda Naporai.

YESAYA 5:16

Apa iatu PUANGna mintu’ ma’dandan maritik la dipakala’bi’ tete dio katonganan na iatu Puang Matua maindan la dipamaindan tete dio kamaloloan.

PA’PUDIAN 18:13

Iatu naninna arrang dio oloNa tipoli’ dio mai tu salebu’ makamban, sia uran batu sia ruaya borrong.

PA’PUDIAN 35:4

Melo ke kasirisanni sia lele bekoi tu to undaka’ lalan la ungka’tu sunga’ku, sia la sorong boko’ sia natoding siri’ tu mintu’ to undakaranna’ kakadakean.