PA’PUDIAN 83:10 - Sura' Madatu

¹⁰ Parampoi tu tau iato mai susitu mangka Miparampoan to Midian, sia susitu lako Sisera, sia susi lako Yabin dio randan salu Kison.

PA’PUDIAN 83:10 Referans Kwoze

ZEFANYA 1:17

Attu iato la Kupapussak tu tolino, naurunganni male butung to buta, belanna kasalammo tu tau iato lako PUANG, sia la tibollo tu rarana susi barra’-barra’ sia iatu tambuk barinni’na la tiampa’ susi tai.

1 SAMUEL 28:7

Ma’kadami Saul lako taunna, nakua: Dakaranna’ misa’ baine pakita bombo, angku nii lao umpalaku pa’timbangan. Nakuami tu taunna lako: Dio En-Dor den misa’ baine pakita bombo.

YOSUA 17:11

Iatu kota lan Isakhar sia lan Asyer tu napotaa Manasye, iamotu Bet-Sean sola lili’na, Yibleam sola lili’na, to torro dio Dor sola lili’na, to torro dio En-Dor sola lili’na, to torro dio Taanakh sola lili’na sia to torro dio Megido sola lili’na, iamotu tallu tondok ma’tanete.

YEREMIA 16:4

Iatu tau iato mai la mate napobua’ ra’ba biang, anna tae’ nadibatingi sia tae’ nadilamun anna dadi pangangku’ dio lu padang sia la karorian anna iatu batang rabukna la napopendurukan manuk-manuk dao lu langi’ sia olo’-olo’ dao kuli’na padang.

YEREMIA 8:2

Anna tale’i dio patu allo sia bulan sia mintu’ ma’dandan maritik dao langi’, tu nakamali’ sia napengkaolai sia naturu’ sia nadaka’, nanii menomba; mintu’ buku iato tang la dirampun ba’tu dilamun, sangadinna la mempangangku’ dio lu padang.

2 DATU 9:37

sia iatu batang rabukna Izebel la susito pangangku’ padang dio pa’lak dio Yizreel, naurungan tang napokada lenmo tau kumua: Iamote tu Izebel!

TO PARENGNGE’ 4:15

Napapussakmi PUANG tu Sisera sola tu mintu’ karetana sia mintu’ surodadu diona kanatiroanna tu pa’dang tinonok dio tingayona Barak, iamoto namengkalao tu Sisera dao mai karetana, anna mallai ma’lalan bang.

TO PARENGNGE’ 4:16

Naula’mi Barak tu mintu’ kareta sia surodadu sae lako Haroset-Hagoyim, na mintu’ surodadunna Sisera pura mate nakande pa’dang; moi misa’ tae’ napatorro.

TO PARENGNGE’ 5:21

Iatu salu’-salu’ Kison untallananni tu tau iato mai, tu salu’-salu’ inang den dolo-dolonapa tu salu’-salu’ Kison – tarru’ liumoko e sumanga’ku situang kamatotoran! –

TO PARENGNGE’ 7:25

Narampami tu datu Midian da’dua, iamotu Oreb sia Zeeb. Iatu Oreb napatei dao buntu batu Oreb na Zeeb napatei lan panglulluran anggoro’ Zeeb. Naula’mi tu mintu’ to Midian, na iatu ulunna Oreb sia Zeeb nabaan Gideon sambalinna lu Yordan.