PA’PUDIAN 81:7 - Sura' Madatu

⁷ Akumo ussondokan panglemba dao mai palempengna, anna tilendok lu limanna dio mai pangrengnge’.

PA’PUDIAN 81:7 Referans Kwoze

KATASSURAN 19:19

Iatu oni tarompe’ pua samasai-sainna sakapua-puana; ma’kadami tu Musa, Nabalii Puang Matua lan mai guntu’.

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

KADIBILANGAN 20:13

Iamote tu uainna Meriba, tu nanii to Israel sigaga PUANG sia Nanii PUANG umpamanassai lako tau iato mai, kumua Maindan.

KATASSURAN 2:23

Masaipa alla’na to namane mate tu datu Mesir; iatu to Israel tontong bang sumarro belanna magasa pa’diamanna sia silallakan, naurunganni iatu pengkamoyana diona pa’diamanna rampomo lako oloNa Puang Matua.

KATASSURAN 14:10

Iatonna reke’mi Firaun, nabangunammi to Israel tu matanna, natiroi tu to Mesir, undi dio mai boko’na. Lendu’mi mataku’na tu tau iato mai, anna meongli’ langngan PUANG,

KATASSURAN 14:24

Iatonna dannarimo Natiromi PUANG lan mai lentong api sia gaun tu surodadu to Mesir, anNa patirambanni tu surodadu to Mesir.

PA’TOLE 33:8

Iatu diona Lewi ma’kada nakua: Iatu TumimMi sia UrimMi napoapa tu to naala penaamMi, tu Mitoba dio Masa, tu Miposigaga dio to’ uainna Meriba;

KADIBILANGAN 20:24

Iatu Harun la sisarak angin dipudukna sule lako nene’ to dolona, belanna tae’ na la tama tondok, tu Kukamasean to Israel, belanna mibali sola duakomi tu parentaKu dio to’ uainna Meriba.

KATASSURAN 6:6

La Kuangka’komi dadi taungKu angKu dadi Kapenombammi, ammi issanni, kumua Akumo tu PUANG, Kapenombammi, tu urrampanangkomi dio mai pa’diaman napabokkokangkomi to Mesir.

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

PA’TOLE 5:6

Akumo PUANG, Kapenombammu, tu ussolangko sun lan mai tondok Mesir, dio mai inan minii dipokaunan.

YEREMIA 16:14

Iamoto, manassa la sae tu allona, kadanNa PUANG, ke tae’mi nakuai tau: La lelukraka tuoNa PUANG, tu ussolan to Israel lan mai tondok Mesir.