PA’PUDIAN 81:2 - Sura' Madatu

² Ra’ban-ra’bankomi umpenanian Puang Matua, tu tapopamuntu, pela’tekanni tu Kapenombanna Yakub.

PA’PUDIAN 81:2 Referans Kwoze

PA’PUDIAN 92:3

Melo ke napa’peissananni ke melambi’ tu kamasokanamMi, sia napa’peissanan ke bongi tu kamarurusamMi.

MARKUS 14:26

Iatonna mangkamo umpopenani pa’pudian, sunmi sola nasangi ma’palulako buntu Zaitun.

KATASSURAN 15:20

Naalami Miryam, nabi baine, anak daranna Harun tu ganda’-ganda’, anna tassu’ tu mintu’ baine unturu’i, anna undedek ganda’-ganda’ sia ma’gellu’.

YAKOBUS 5:13

Denrokomika tu masussa? sipatu la massambayang. Denkomiraka parannu? sipatu la umpopenani pa’pudian.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

EFESUS 5:19

ammi sipa’kada-kada naturu’ pa’pudian sia pa’tendeng sia penanian masallo’ ammi penanianni sia umpudi-pudi Puang lan penaammi;

2 OSSORANNA DATU 5:13

Iatonna marassan sola nasang umpannoni tarompe’ sia umpasiala gamaranna tu mintu’ to menani la umpudi sia umpangke’ PUANG, sia umpekapuai gamaranna napasibara’ tarompe’, taa’-taa’ sia oni-onian senga’, sia umpudi PUANG, kumua: Belanna masokan Ia, belanna iatu kamasokananNa tang leluk sae lakona –, pakalan iatu banua iato, iamotu banuanNa PUANG, nakapu’ sangkombong salebu’,

NEHEMIA 12:42

sia iatu Maaseya, Semaya, Eleazar, Uzi, Yohanan, Malkia, Elam na Ezer. Iatu to menani umpa’perangian gamaranna naindoran Yizrahya.

PA’PUDIAN 59:17

Apa iate aku la menanina’ umpudi kamatotoramMi, sia la mela’tekna’ ke melambi’ diona kamasokanamMi, Belanna Kamumo kupobenteng matoto’, sia pentilindungan tongku lan kamandasan.