PA’PUDIAN 81:10 - Sura' Madatu

¹⁰ Da muden umpekalangka’i deata to senga’, sia da mupenombai deata to salian lembang.

PA’PUDIAN 81:10 Referans Kwoze

YOHANES 15:7

Iake reso’komi lan Kaleku sia tontong mipalan tambuk tu kadangKu, palakui, apa-apa mikamorai, iamo dipa’kamasean lako kalemi.

PA’PUDIAN 107:9

Belanna Napapayamo tu penaa ma’rangna, sia iatu penaa topona Napedia’imo kameloan.

KATASSURAN 20:2

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan.

YOHANES 7:37

Iatonna allo tampaknamo, tonna matannamo tu pa’gauran, ke’de’mi tu Yesu, Napemandui ma’kada Nakua: Iake denni tau ma’rang, nasae lako Kaleku, namangiru’.

KADA OMBO’ LAKO RASULU’ YOHANES 21:6

Ma’kadami lako kaleku Nakua: Sundunmo. Akumote tu Alfa sia Omega, iamo pamulanna sia ma’katampakanna. Iatu to ma’rang la Kupairu’ uai kalimbuang katuoan, tu tang dialli.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

YOHANES 16:23

Sia iake allo iato moi misa’ tae’mo mipekutanan lenni lako Kaleku. Tonganna tongan Kukua mati’, iake umpalakukomi ba’tu apa-apa lako Ambe’, la Napa’kamasean lako kalemi tete dio sangangKu.

YEREMIA 11:4

tu Kupepasanan lako nene’ to dolomi to allo Kunii umpatassu’i lan mai tondok Mesir, lan mai dapo’ bassi, Kukua: Perangii tu gamarangKu sia pogau’i tu mintu’ apa tu Kupepasanan lako kalemi, ammi dadi taungKu anna Aku dadi Kapenombammi,

KATASSURAN 20:3

Da’ naden kapenomban senga’ dio oloKu.

PA’TOLE 5:7

Da’ naden kapenomban senga’ dio oloKu.

YOSUA 24:14

Iamoto la mikasiri’ tu PUANG sia la mipenombai situang penaa lantuk sia maruru’, ammi boko’i tu mintu’ deata tu napenombai nene’ to dolomi sambalinna lu Salu sia dio Mesir, ammi pengkaolai PUANG.

YOSUA 24:23

Totemo boko’imi tu mintu’ deatanna to salian bangsa tu misisolan, sia popa’mirringi tu penaammi lako PUANG, Kapenombanna to Israel.

HOSEA 8:3

Untibemo maelona tu to Israel; iamoto anna ula’i uali.