PA’PUDIAN 80:9 - Sura' Madatu

⁹ Mibuakmo sia Mipalengka’ tu sangto’ anggoro’ dio mai tana Mesir, ammi ula’i lao tu mintu’ bangsa, Mitananni tu kayu iato.

PA’PUDIAN 80:9 Referans Kwoze

YOSUA 24:12

Attu iato Kuparampoikomi tabuan balo dio tingayomi, naula’i tu tau iato mai dio mai kalemi, susitu da’dua datu to Amori; tonganna tangiara kandean pa’dangmu ba’tu panamu.

YESAYA 27:6

Iake attu undinna la mennuaka’ tu Yakub, sia la menta’bi na mentado’ tu Israel, naurunganni situtu’ burana tu lino.

YEREMIA 12:2

Mitananmo tu tau iato mai sia mennuaka’mo; lobo’mo sia membuamo. Moi mandappi’Komi dio pudukna tau iato mai, apa mambela dio mai ba’tengna.

YESAYA 37:31

Sia iatu bati’na Yehuda tu tilendokna sia tinampena la mennuaka’ pole diong sia membua dao.

PA’PUDIAN 105:44

Naba’gi tondokna ba’tu pira bangsa tu tau iato mai, anna pomana’i tu kara’tasanna to sangpetayanan.

1 OSSORANNA DATU 21:5

Iatu budanna mintu’ tau diia’ napennoloan Yoab lako Daud; iatu mintu’ to Israel, tu muane untakin pa’dang den sangsa’bu saratu’ sa’bunna; na iatu budanna to Yehuda, tu muane untakin pa’dang den a’pa’ratu’ pitungpulo sa’bunna.

1 DATU 4:25

Mintu’na to Yehuda sia to Israel, torro tang nairi’ angin diong to’ garonto’ anggoro’na sia garonto’ arana randuk dio mai Dan sae lako Bersyeba, angge tuona datu Salomo.

1 DATU 4:20

Iatu bilangan to Israel sia to Yehuda susi karangan dio biring tasik budanna; iatu tau iato mai kumande sia mangiru’ sia parannu-rannu.

2 SAMUEL 7:10

Sia la Kupamanassan misa’ inan tu taungKu, to Israel, Kupamari’pii inde to, kumua anna torro dio inan manassa, da nadipatiramban lu lako lu dio mai sia da duka napakario-rioi to bulituk, susi tonna dolona,

PA’PUDIAN 44:3

Mangkamo Mirambai tu mintu’ bangsa tete dio kamatotoramMi, amMi panno’ko’i tu nene’ to doloki sondana tau iato mai, mangkamo Mipa’dikki tu mintu’ to sangpetayanan amMi pamakambanni tu nene’ to doloki.

YESAYA 5:2

Mangkamo nakali sia napaserei tu mintu’ batu, anna tananni anggoro’ ballo sia napabendan tu misa’ lantang petayanan lan tangngana sia napa’ tu pa’parran anggoro’ lan; ma’peagi-agi bangmi kumua ba’tu la melo siai tu bua anggoro’na, apa membua langga’ manna.

YESAYA 27:2

Attu ia dukato la den tu pa’lak anggoro’, pambura-bura uai anggoro’na; la sibali-balikomi umpassengoanni.

YEREMIA 2:21

Tang mangkarokoka Kutanan susi garonto’ anggoro’ pa’tonno’, susi banne tang karauan; ma’patumbai ammu dadi tangke tang membuanna garonto’ anggoro’ pangala’ lako Kaleku!