PA’PUDIAN 80:8 - Sura' Madatu

⁸ O Kapenombanna mintu’ ma’dandan maritik, pasulekanni tama dandanki, paparrangi tu lindoMi, angki dilendokan.

PA’PUDIAN 80:8 Referans Kwoze

YEREMIA 2:21

Tang mangkarokoka Kutanan susi garonto’ anggoro’ pa’tonno’, susi banne tang karauan; ma’patumbai ammu dadi tangke tang membuanna garonto’ anggoro’ pangala’ lako Kaleku!

PA’PUDIAN 44:2

O Puang Matua, talingangki kalenamo urrangii, sia nauleleanmo nene’ to doloki: Tu penggauran kapua tu mangka Mipogau’ tonna linona, iamo tonna dolo-dolona.

YEHEZKIEL 17:6

Mentarukmi dadi garonto’ anggoro’ kalua’ male membalaba’, maresso’ tu garonto’na, anna ma’palulako nasang tu tangkena sia diong nasang liu tu uaka’na. Susito dadimi garonto’ anggoro’ mentangke-tangke sia mellolo.

YEREMIA 12:10

Buda tu to mangkambi’ ussanggang pa’lak anggoro’Ku sia ullunggenak pa’lakKu, sia umpopempadang aak pa’lak balloKu,

PENGGAURANNA RASULU’ 7:45

Iatu nene’ to dolota tu dipakambi’i tenda iato, mangkamo umbaai sola Yosua tama tana Kanaan, tonna taloi tu to kapere’, tu Narambai Puang Matua dio mai tingayona nene’ to dolota, sae lako linona Daud.

YEHEZKIEL 19:10

Iatu indo’mu, lan tu attu munii menta’bi butungi to misa’ garonto’ anggoro’, tu ditanan dio randan uai, tu membua sia mentangke-tangke, belanna buda tongan uai.

YEHEZKIEL 15:6

Iamoto, inde sia tu kadanNa Puangta PUANG, kumua: Susi Aku mangka umpakandei api tu kayu garonto’ anggoro’ tu dio lu mintu’ kayu pangala’, la susi dukaNa’ to ussorongi tu to lan Yerusalem.

PA’PUDIAN 78:55

Naula’i lao tu mintu’ bangsa dio mai to’ olona tau iato mai, sia nataa-taa tu padangna Nasuka’ tinting la napomana’ tau iato mai, anNa panno’ko’i tu mintu’ sukunna to Israel lan tendana tau iato mai.

YOSUA 13:6

mintu’ tu to untorroi buntu Libanon sae lako Misrefot-Maim sia mintu’ to Sidon. Aku la urambai dio mai tingayona to Israel; la musua ma’loterei tu to Israel untaa-taai tu padang la napomana’, susitu mangka Kupasan lako kalemu.

PA’PUDIAN 31:17

Melo ke Mipaarrangi rupamMi tu taumMi, sia lendokanna’ tete dio kamasokanamMi.

PA’PUDIAN 60:3

O Puang Matua, Mitibemokan sia Mipasisarak-sarakmokan, mangkamoKomi sengke; apa popa’misakanni sule!