PA’PUDIAN 80:2 - Sura' Madatu

² O Pangkambi’na to Israel, patananni tu talingamMi! Tu umpatudu lalan bati’na Yusuf butung domba, o Kamumo tu unnisungi karubion, patiarrangi tu rupamMi.

PA’PUDIAN 80:2 Referans Kwoze

PA’PUDIAN 35:23

Ke’de’Komi sia ingaranni ussanda tongannina’, diona kara-karaku, o Kapenombangku sia Puangku.

YESAYA 33:22

Belanna PUANG tu To ma’paolainta salu, PUANG, tu To umbenki’ parenta, PUANG tu Datunta, sia Ia dukamo tu ungkaritutuiki’.

YESAYA 25:9

Allo iato la ma’kada tu tau kumua: Inang Iamo Kapenombanta te, tu tanii sande’, kumua Iamo la urram- panangki’; Iamo PUANG te, tu taposande’; maikomi anta unnarrak sia parannu diona kadirampanan lu dio mai Puang.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

KATASSURAN 25:22

Indemoto tu la Kunii ussitammuangko sia ussipa’kadangko dao mai tutu’ pebase kasalan lan mai alla’na da’dua karubion, tu dao patti kasa’bian, diona tu mintu’ apa Kubenko la muparampo lako to Israel.

1 SAMUEL 4:4

Disuami tu tau lako Silo, anna baai dio mai tu patti basseNa PUANGna mintu’ ma’dandan maritik, tu unnisung dao karubion; na iatu anakna Eli sola duai, iamotu Hofni na Pinehas dio sola tu patti basseNa Puang Matua.

1 DATU 8:6

Iatu patti basseNa PUANG nabaa to minaa tama inanna, iamotu bilik dio boko’ lan banua iato, iamotu bilik tarru’ maindan diongna lu pani’ karubion.

2 DATU 19:15

Anna massambayang dio oloNa PUANG, nakua: O PUANG, Kapenombanna to Israel, tu unnisung dao karubion! Kamu, Kamu manna tu Kapenomban, pekapuanganna mintu’ kadatuan dao kuli’na padang; Kamumo tu mangka ungkombong langi’ sola lino.

PA’PUDIAN 50:2

Iatu Puang Matua pangkillang dio Sion, sundun kamaballoanna.

PA’PUDIAN 99:1

PUANG tu untoe kapayungan – la ma’parondo mintu’ bangsa. Ia unnisungi karubion la rumonting te lino.