Attu iato la Kuangka’ tu misa’ to mangkambi’ dio lu tau iato mai, tu la ungkambi’i, iamotu Daud, taungKu. Iamoto tu la ungkambi’i tau iato mai, sia dadi to mangkambi’na tau iato mai.
Mangkato ke’de’mi tu Daud sola tu mintu’ to nasolan dio mai Baale-Yehuda, la umbaai inde to diong mai tu pattinNa Puang Matua, tu dinii ussa’bu’ sanga iato, iamotu sanganNa PUANGna mintu’ ma’dandan maritik, tu unnisung dao karubion.
Disuami tu tau lako Silo, anna baai dio mai tu patti basseNa PUANGna mintu’ ma’dandan maritik, tu unnisung dao karubion; na iatu anakna Eli sola duai, iamotu Hofni na Pinehas dio sola tu patti basseNa Puang Matua.
Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,
Kendekmi tu kamala’biranNa PUANG dao mai karubion iato, anna male lako to’ ampang Banua Kabusungan, na iatu tarampak nasitutu’i arrang kamala’biranNa PUANG.
Apa Nakilalai to attu mangka diboko’. Naingarammi tu Musa sia taunNa. Umbamira Ia tu To mangka ussolan to mangkambi’ baanan dombaNa diong mai to’ uai? Umbamira tu To mangka untua’ Penaa Masallo’Na tama ba’tengna tau iato mai?
Totemo perangiimi, o Kapenombangki, tu passambayangna taumMi sia pengkamoyanna sia la Mipaarrangi lindoMi tu inan maindan sanggangMi belanna pa’poraianNa Puang.
Tonganna denmi sae tu kamala’biranNa Kapenombanna Israel lu dio mai rampe matallo, sia den oni susito ongngo’ uai buda na iate lino naarrangi kamala’biranNa.
Iatu rupanna a’gan iato susito ruaya borrong, sia susito bia’ tiroanna – menono’ dio alla’na a’gan iato, na iatu api lako mangarrang, nanii mellepa’ kila’.
La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.
Anna massambayang dio oloNa PUANG, nakua: O PUANG, Kapenombanna to Israel, tu unnisung dao karubion! Kamu, Kamu manna tu Kapenomban, pekapuanganna mintu’ kadatuan dao kuli’na padang; Kamumo tu mangka ungkombong langi’ sola lino.
Ma’kadami nakua: Iatu PUANG mengkalao dao mai Sinai sia bu’tu unnarrangi tu tau iato dio mai Seir; sombomi parrang dao mai ma’buntunna Paran sia rampomo bu’tu lu dio mai ma’pulo-pulo sa’bunna to masero pindan. Dio kananNa natiro tu api dukku.