PA’PUDIAN 79:4 - Sura' Madatu

⁴ Napobe’seammokan sangtondokki, sia Napotule’-tuleran sia Napoparumbasanmokan bali lembangki.

PA’PUDIAN 79:4 Referans Kwoze

PA’PUDIAN 80:6

Uai mata mannamo Mibenni napotuo, ondongpi uai mata mannamo Mipamosoanni nairu’.

DANIEL 9:16

O Puang, ke ma’dinni, natete dio mintu’ kamaloloamMi, natilendok tu kasengkeamMi sia kare’dekan ara’Mi dio mai Yerusalem, kotaMi, iamotu buntu maindanMi; belanna diona kasalangki sia kakadakeanna nene’ to doloki na iatu Yerusalem sia iatu taumMi napamatuna mintu’ to untikuikanni.

YEHEZKIEL 36:15

Sia tang la Kuparangiimoko petellena mintu’ bangsa sia tae’mo mula umpassanni tu pelo’bona mintu’ to sangpetayanan, sia tae’mo mula umpasisayuranni anak tu taummu, kadanNa Puangta PUANG.

YEHEZKIEL 36:3

Iamoto ma’nubua’ko sia ma’kadako kumua: Inde sia tu kadanNa Puangta PUANG, Nakua: Tonganna belanna nasanggangkomi sia nalullu’komi tau dio mai mintu’ sulapa’, kumua anna alakomi napomana’ mintu’ bangsa torronapa, sia belanna naulelean kadakekomi sia napalele bekokomi tau.

YEHEZKIEL 35:12

Ammu issanni, kumua Akumo tu PUANG. Kurangimo tu mintu’ kada solang, tu mupokada unnea buntunna Israel, kumua: sanggangmo diben nasangmokan, la kunii undaka’ kande.

BATING 5:1

O PUANG, kilalai tu mai apa urrampoikanni; tiroi sia mantai tu kadilo’boangki.

YEREMIA 42:18

Belanna nakua kadanNa PUANGna mintu’ ma’dandan maritik, Kapenombanna to Israel: Susitu kasengkeangKu sia kare’dekanna ara’Ku tibarrakmo lako to lan Yerusalem, susi dukamoto tu kare’dekanna ara’Ku la tibarrak lako kalemi, ke malekomi lako Mesir, ammi dadi tampakan ropu sia to metakuran sia sapuan pala’ sia kaditattan sia tang la mitiromo te inan iate.

YEREMIA 25:18

iamotu Yerusalem sia mintu’ kota Yehuda sola mintu’ datunna sia arungna, la dipadaun lauammo, la disabu’i anna potirambanni tau, sia la natelle-telle sia la tampakan ropu, susite allo iate;

YEREMIA 24:9

Kueloran tu tau iato mai napakario-rio sia nasanggang mintu’ kadatuan lan lino sia la dadi kaditattan sia dipoparumbasan sia kaditellean sia tampakan ropu dio lu mintu’ inan, tu la Kunii umpatisambo’i tu tau iato mai.

PA’PUDIAN 89:41

Mintu’ benteng batunna Misaeran, sia mintu’ tambakukunna Misanggang.

NEHEMIA 2:19

Iatonna rangimi Sanbalat, to Horon sia Tobia, kaunan to Amon sia Gesyem, to Arab tu iannato, ma’tellemi sia ma’lo’bo tu tau iato mai lako kaleki, nakua: Apa toda kamu mipogau’? La umbalirokomika datu?

1 DATU 9:7

manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

PA’TOLE 28:37

La dadiko misa’ apa napomagiang tau, sia napoparumbasan sia napotellean mintu’ bangsa, tu tondokna, Nanii PUANG ussolangko lako.

NEHEMIA 1:3

Ma’kadami tu tau iato mai lako kaleku nakua: Iatu mintu’ to torropa, iamotu torronapa dio mai to dipali’, tu lan propinsi iato, lan kamandasan kapua sia kadibelleran, sia iatu rinding tembo’ Yerusalem ro’pokmo, na iatu babanganna pura diballa api.

YESAYA 43:28

Iamoto angKu sallangi tu mintu’ pangulu inan maindan, angKu eloranni tu Yakub disabu’i butung pepayu sia dilo’bo-lo’bo tu Israel.

YEREMIA 51:51

Masiri’mokan, belanna kirangimo tu pelo’bona tau; nakabu’mokan siri’ belanna iatu to sae tamamo inan maindanna banuanNa PUANG.

BATING 1:11

Mintu’ pa’tondokanna sisumarroan undaka’ roti; iatu mintu’ apa keangga’na napasituka’ kande, la natoean sunga’na. – Tiromi, o PUANG, sia pemarangai, umba nakua tu kaditunaiangku!

YEHEZKIEL 22:5

Iatu mintu’ to musikandappiran sia to musikambelan la natelle-telleko, e iko to kadake lele diona kamaruttakkammu sia nasitutu’i kamarukkan.

ZEFANYA 3:18

Mintu’ tu to rosso penaanna, sikambela kasirampunan pa’gauran, manassa la Kurampun; inang naala bilangammu. Nati’tin kadilo’boan tu tau iato mai butung panglemba.

ZAKHARIA 8:13

Susitu mangkakomi dadi kada tampak ropu dio lu mintu’ bangsa, e to Yehuda sia to Israel, la susi dukakomito la dadi pa’passakke, belanna Kukamaseangkomi kasalamaran; da mimataku’, pamatoto’i tu limammi.