PA’PUDIAN 79:3 - Sura' Madatu

³ Napatibollo tu rarana butung uai dio lu tikunna Yerusalem, sia moi misa’ tau tae’ ullamunni.

PA’PUDIAN 79:3 Referans Kwoze

YEREMIA 16:4

Iatu tau iato mai la mate napobua’ ra’ba biang, anna tae’ nadibatingi sia tae’ nadilamun anna dadi pangangku’ dio lu padang sia la karorian anna iatu batang rabukna la napopendurukan manuk-manuk dao lu langi’ sia olo’-olo’ dao kuli’na padang.

YEREMIA 14:16

Na iatu bangsa tu napa’nubuaran nabi iato mai, la situlambenan dio lu mintu’ batatta Yerusalem, napobua’ karorian sia pa’dang; na moi misa’ tau tae’ ullamunni, la tau iato mai la bainena la anakna muane sia anakna baine. La Kupasusimoto umbarrakanni tu kakadakeanna dao ulunna.

KADA OMBO’ LAKO RASULU’ YOHANES 11:9

Ba’tu pira-pira tau dio mai mintu’ bangsa sia suku sia basa sia to sangpetayanan untiroi tu batang rabuk iato tallung allo sangpolo, sia tae’ naeloranni tau iato mai tu batang rabukna dilamun.

KADA OMBO’ LAKO RASULU’ YOHANES 18:24

Nalan lili’na diappa’ tu rarana mintu’ nabi sia to masallo’ sia rarana mintu’ to dipatei lan te lino.

KADA OMBO’ LAKO RASULU’ YOHANES 17:6

Kutiromi tu baine iato nalango rara, rarana mintu’ to masallo’ sia rarana mintu’ to ungkatottongI Yesu. Lendu’ mangngaku untiroi.

KADA OMBO’ LAKO RASULU’ YOHANES 16:6

Belanna mintu’ tau iato mangkamo umpato’do rarana mintu’ to masallo’ sia mintu’ nabi, amMi pairu’i rara tu tau iato mai. Iatu iannato sitondonmo penggauranna.

ROMA 8:36

Susitu disura’ kumua: Tu belanna Kamumora angki dipatei tu’tu’ allo; dipasusikan domba la ditunu.

MATIUS 23:35

Kumua ammi buntu rengnge’i tu mai rarana to malambu’ tu to’do rokko padang, tempon dio mai rarana Habel tau lambu’ sae lako rarana Zakharia, anakna Berekhya, tu mangka mipatei dio kasiallaranna banua kabusungan anna to’ kapemalaran.

YEREMIA 34:20

Ondongpi la Kusorong tu tau iato mai tama limanna mintu’ ualinna sia mintu’ tau undaka’ lalan la umpatei sia iatu batang rabukna la napopendurukan mintu’ manuk-manuk dao langi’ sia olo’-olo’ dao kapadanganna.

YEREMIA 25:33

allo iato mintu’ tu to Napatei PUANG la situlambenan tu batang rabukna dio mai randan langi’ sae lako randan langi’, tae’ bang nadibatingi sia tang diangkaran ba’tu dipeliang tu mai batang rabukna; sangadinna mempangangku’ nasang dio lu padang.

YEREMIA 15:3

Tonganna Aku la umparampoi patang rupa kasanggangan tu tau iato mai, kadanNa PUANG: iamotu pa’dang la umpatei sia asu la urriu’-riu’i sia manuk-manuk dao langi’ sola olo’-olo’ dao kuli’na padang la umpetarii nakande sia ussepak-sepakki.

PA’PUDIAN 141:7

Susi to ma’tengko sia to umbuak padang, ten dukamoto tu mintu’ buku rapoki tisambo’ dio to’ ba’ba lino to mate.

PA’PUDIAN 79:10

Apara bannangna anna la ma’kadara tu to kapere’ kumua: Umbamira tu Kapenombanna? Melo ke naissanni to kapere’ dio tingayoki, tu diona kaMipembalianganna tu mai rarana taumMi tu mangka dipato’do.

ZEFANYA 1:17

Attu iato la Kupapussak tu tolino, naurunganni male butung to buta, belanna kasalammo tu tau iato lako PUANG, sia la tibollo tu rarana susi barra’-barra’ sia iatu tambuk barinni’na la tiampa’ susi tai.