PA’PUDIAN 79:12 - Sura' Madatu

¹² Na lako bali lembangki papakkanni manglokkon pempitu tama rianna tu pebe’se mangka nabe’seangKomi, o Puang.

PA’PUDIAN 79:12 Referans Kwoze

YEREMIA 32:18

Sia Kamu umpa’pekitanan kamasokanan lako massa’bu-sa’bu tau sia tu umpapakkanni kakadakeanna mintu’ ambe’ rokko rianna mintu’ anakna undinna dio mai tau iato mai, o Kapenomban pasareongan sia matoto’, tu diganti sanganNa: PUANGna mintu’ ma’dandan maritik.

KADADIAN 4:15

Nakuami PUANG lako Kain: Iamoto ke denni tau umpatei Kain, la manglokkon pempitu tu pakkanna! Nabenni tanda PUANG tu Kain kumua da napatei tau, ke denni nasitammuan.

SURA’ KATOMINAAN 26:28

manassa la Kulaoikomi sia la Kuparampoikomi kare’dekan ara’Ku, ondongpi la Kupa’dikkikomi pempitu diona kasalammi.

SURA’ KATOMINAAN 26:21

Iake la mieaNa’ sia tae’ miperangiiNa’, manassa la Kupa’dikkikomi pempitu pole’pa makarra’, sitinaya kasalammi.

LUKAS 6:38

Benni, manassa la diben dukakomi. Misa’ sukaran melo tongan ditemme’ rokko nadirodo sama’toppo’na, la diparokko riammi, belanna iatu sukaran mipassukaran tau, ia duka la dipassukarangkomi!

SARAMBU PEADA’ 6:31

Apa iake diapparanni, manassa la nasondai sule pempitu manglokkon, sia mintu’ tu apa lan banuanna la nasorong.

PA’PUDIAN 44:16

Iatu siri’ku dio bang lindoku kiallo-kiallo, sia longko’ ungkabu’ lindoku.

PA’PUDIAN 74:10

O Puang Matua, sangapapakan la natelle tu mati’ to unneakan? Sia la tontong bangraka tu uali la untunai sangamMi?

PA’PUDIAN 89:52

Iamotu pa’be’sena mintu’ ualimMi, o PUANG, tu umbe’se mintu’ tengkana to Mitokko!

YEHEZKIEL 35:12

Ammu issanni, kumua Akumo tu PUANG. Kurangimo tu mintu’ kada solang, tu mupokada unnea buntunna Israel, kumua: sanggangmo diben nasangmokan, la kunii undaka’ kande.

YEHEZKIEL 36:7

iamoto, inde sia tu kadanNa Puangta PUANG, Nakua: UmpalaoNa’ sumpa Kukua: Tonganna mintu’ bangsa untikuikomi la umpassan kalena kadilo’boanna.