PA’PUDIAN 78:71 - Sura' Madatu

⁷¹ Nasarakki dio mai boko’na mintu’ domba sumusu la ungkambi’ Yakub, taunNa, sia Israel to Napotau.

PA’PUDIAN 78:71 Referans Kwoze

2 SAMUEL 5:2

Ondongpi masaimo, tonna datuipakan Saul, puang dukamo tu umpalutama-lulanni-mai tu to Israel, sia lu lako duka kalemi tu kadanNa PUANG: Iko la ungkambi’i tu taungKu Israel sia iko dukamo la dadi datunna mintu’ to Israel.

1 OSSORANNA DATU 11:2

Iatonna dolonapa, tonna Saul datu inang kamu duka tu umbaa to Israel tassu’ sia ussolanni tama, sia ma’kada tu PUANG, Kapenombammi, lako kalemi, Nakua: Iko la ungkambi’i tu taungKu Israel sia iko dukamo la dadi arungna tu taungKu Israel.

1 PETRUS 5:2

kambi’i tu mintu’ dombaNa Puang Matua tu mitage’na, da anna susito diparuku sangadinna la sanning penaa situru’ pa’poraianNa Puang Matua; sia da anna butung la morai mesaro bu’tu kadake, sangadinna naturu’ penaa kalebu;

YESAYA 40:11

La Nakambi’ tu baanan dombaNa susito mangkambi’, la Napasipulung tu anak domba tama limanNa, anNa sembe’i; ia duka tu umpasusunnapa anakna la Napela’-pela’ Naramba.

PA’PUDIAN 28:9

Lendokanni tu taumMi sia pamasakkei tu mana’Mi, kambi’i sia kaduttu’i sae lakona.

KADADIAN 33:13

Apa mebali tu Yakub lako nakua: Miissan kumua iate mai pia tang nabela sia den duka tu domba sia bembe’ sia sapi sumusupa tu anakna; iake sangallori nanii umpalingkai tau manassa mate nasang.

2 SAMUEL 7:8

Iamoto la muparampoan taungKu Daud, kumua: Iamote tu kadanNa PUANGna mintu’ ma’dandan maritik: Kupaleleko dio mai to’ riu maluna dio mai to’ domba, la dadi arungna mintu’ taungKu, iamotu to Israel.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

MATIUS 2:6

E Betlehem, dio tana Yehuda, inang tae’ ia nala iko bitti’na tu mintu’ pangulu Yehuda, belanna iko nanii sun misa’ panglalan, tu la ungkambi’ taungKu to Israel.

2 SAMUEL 20:19

Iate kami te misa’ tondok marampa’ sia maruru’ dio lu to Israel; midakarammo lalan la ussanggangi tu misa’ indo’ tondok dio lu tondokna to Israel; ma’apai ammi la ussabu’i tu mana’Na PUANG?

2 SAMUEL 24:17

Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.