PA’PUDIAN 78:42 - Sura' Madatu

⁴² Tae’ anna kilalai lenni tau iato mai tu lima matoto’Na, sia iatu allo nanii Puang ullendokanni dio mai to umpakario-rioi.

PA’PUDIAN 78:42 Referans Kwoze

YEREMIA 32:21

Sia Kamumo tu ussolan taumMi, to Israel, tassu’ lan mai tondok Mesir tete dio ba’tu pira-pira tanda kalle-kallean sia tanda mangnga sia tete dio lima matoto’ sia takia’ tie’te’ sia tete dio apa mandu metakuran.

TO PARENGNGE’ 8:34

tae’mo nakilalai to Israel tu PUANG, Kapenombanna, tu mangkamo urrampanan tau iato mai lan mai limanna mintu’ ualinna tiku lao,

KATASSURAN 14:12

Tae’raka kipokadangkomi dio Mesir, kumua: Popa’elo’na bangmokanni kami, dai’to napokaunan bangmokanni to Mesir. Belanna kila’biranmo napokaunan to Mesir na iatu la mate lan padang pangallaran iate.

PA’PUDIAN 78:11

Sia tang nakilalaimo tau iato mai tu mintu’ penggauranNa, sia mintu’ tanda kalle-kalleanNa, tu Napa’pekitanammo lako kalena.

KATASSURAN 13:9

Iate iannate la butung misa’ tanda dio limammu sia misa’ kapengkilalan dio kasitammuan matammu, kumua na iatu atoranNa PUANG dio randan pudukmu, belanna Nasolammoko PUANG tassu’ lan mai tondok Mesir tete dio lima mawatang.

YESAYA 11:11

Allo ia dukato la dadi kumua Puang la unnete’ pole limanNa la ulla’bakki sule tu taunNa tu mai torronapa, tu mai torronapa dio Asyur, dio Mesir, dio Patros, dio Etiopia, dio Elam, dio Sinear, dio Hamat na dio lu tondok ma’randan tasik.

PA’PUDIAN 106:21

Sia nakalupaimo tu Puang Matua, To ullendokanni, tu mangka umpogau’ apa kapua dio tana Mesir.