PA’PUDIAN 78:4 - Sura' Madatu

⁴ tae’ angki la umbunianni lanto mimi’na, sangadinna kiuleleanan papa’ sidampi’na, tu mintu’ kataromposanNa PUANG, sia kamatotoranNa sia mintu’ penggauran kalle-kallean Napogau’.

PA’PUDIAN 78:4 Referans Kwoze

PA’TOLE 11:19

La miadaran tu mai anakmi sia la mipokada tu iannato, ke unno’ko’komi lan banuammi sia iake diokomi lu lalan sia iake matindokomi sia iake millikkomi.

YOËL 1:3

Uleleananni tu apa iate lako mintu’ anakmi; sia iatu anakmi la naulelean duka lako anakna sia anakna tau iato mai la ullelean pole’oi lako bati’ siosso’na.

PA’TOLE 4:9

Apa la mukanandai tongan sia la mukatangkinni, da mukalupai tu apa mangka mutiro, sia da napa’de lan penaammu, tempon tuomu; paissanni tu mai anakmu sia iatu mai bati’mu,

PA’TOLE 6:7

la muadaran mintu’ anakmu sia la mupokada tu iannato, ke unno’ko’ko lan banuammu, sia iake dioko lu lalan, sia iake matindoko, sia iake millikko.

PA’PUDIAN 9:14

Kamaseina’, o PUANG, tiroi tu kanapandasangku to ungkabiri’na’, o Puang, tu unnendekanna’ lan mai baba liang,

PA’PUDIAN 26:7

Angku pa’perangianan pa’pudi-pudian. Sia unnuleleanan mintu’ penggauran kalle-kalleamMi.

AYUB 15:18

iamotu mai apa napa’peissanan to kinaa tu nanannanni nene’ to dolona, sia moi misa’ tae’ nabunii,

KATASSURAN 13:14

Iake nakutanaiko anakmu muane undinna, kumua: Apara te?, la mukua lako: Nasolammokan PUANG tete dio lima mawatang sun lan mai tondok Mesir, lan mai banua dinii umpokaunankan.

KATASSURAN 13:8

Attu iato la mupokadan mintu’ anakmu, kumua: Iamote tu bannangna apa Napogau’ PUANG lako kaleku, tongku tassu’ lan mai tondok Mesir.

KATASSURAN 12:26

Sia iake nakutanaikomi anakmi, kumua: Kamenomban apara tu mipogau’?

YESAYA 38:19

Sangadinna iatu to tuo, tu to tuo umpudi-pudiKomi, susite aku umpudiKomi totemo; iatu mai ambe’ la umpokadai tu kamarurusamMi lako mintu’ anakna.