PA’PUDIAN 78:15 - Sura' Madatu

¹⁵ Napatibangnga tu batu dio padang pangallaran, sia Napabossai Napairu’ butung uai diong mai liku mandalan.

PA’PUDIAN 78:15 Referans Kwoze

PA’PUDIAN 105:41

Naparassak tu buntu batu anna sun tu uai, tu lolong lako padang marangke butung salu.

KADIBILANGAN 20:11

Naangka’mi Musa tu limanna, anna sambakki tekken penduan tu buntu batu, anna tassu’ tu uai buda, naurungan ma’dinmo tu kasirampunan iato mangiru’ sia ia duka tu mai patuoan.

KATASSURAN 17:6

Tiromi, la bendanNa’ dio tingayomu dao buntu batu Horeb; la musambakki tu buntu batu iato, anna sun tu uai lan mai, anna iru’i to buda. Napogau’mi Musa susito dio tingayona mintu’ to matua-tua to Israel.

1 KORINTUS 10:4

sia mangkamo sola nasangi pada dandan unniru’ apa mempenaa sanguluanri. Belanna mangkamo nairu’i tu batu mempenaa undi unturu’i, na iatu batu iato, Iamotu Kristus.

PA’PUDIAN 114:8

tu mangka umpopembali likui tu buntu, sia batu laiya Napopembali kalimbuang.

KADA OMBO’ LAKO RASULU’ YOHANES 22:17

Ma’kadami tu penaa sola baine ma’kapa’ nakua: MaiKomi! Sia iatu to urrangii, melo ke nakua dukai: MaiKomi! Na iatu to ma’rang, melo ke saei, sia minda-minda morai, melo ke natimbai tu uai katuoan tang dibaya’.

KADA OMBO’ LAKO RASULU’ YOHANES 22:1

Napakitammo’ misa’ salu nanii uai katuoan, malino susi kinang lolong dio mai to’ isungan kapayunganNa Puang Matua sia Anak domba.

YESAYA 48:21

Tang mekama’rang tu tau iato mai tonNa solanni unnola padang aak; Napalolongan uai lan mai buntu batu; Napiak tu buntu batu anna lolong uai lan mai.

YESAYA 43:20

Mintu’ olo’-olo’ dio lu padang la umpakala’bi’Na’, susi dukato tu serigala sia burung unta, belanna Kubenmo uai dio lu padang aak, sia salu dio lu padang, la Kupairusanni tu mai taungKu tu Kupilei langsa’.

YESAYA 41:18

La Kupabu’tu tu salu dao tanete karing, sia la Kupaden tu mata uai diong lu lombok; la Kupopellimbong tu padang aak sia la Kupopengkalimbuang tu padang rangke.