PA’PUDIAN 78:13 - Sura' Madatu

¹³ Naballak tu tasik anNa palambanni tu tau iato mai, Napopa’parinding tu uainna susi misa’ sapan.

PA’PUDIAN 78:13 Referans Kwoze

KATASSURAN 14:21

Napa’dulluammi Musa tu limanna tama tasik anNa pasoro’i PUANG tu uai tasik iato Napairi’i angin bara’ lu dio mai rampe matallo situ’turan bongi iato Napopempadang marangkei tu tasik, anna tipa’dua tu uainna.

KATASSURAN 15:8

Diona angin sun dao mai illongMi anna dipopa’patuku-tuku tu uai; sia iatu uai saba’ tulangdan susi sapan, sia mintu’ bombang makko lan atena tasik.

PA’PUDIAN 66:6

Napopengkarangkean tu tasik, sia lumingka tu tau ullamban salu, inde to tanii umpoparannu Puang Matua.

YOSUA 3:16

pakalan tadangmi tu uai lolong daa mai ulunna sia bendan butung to misa’ panampo, mambela tongan sae lako Adam, iamotu kota sisa’de Sartan, na iatu uai lolong lako tasik dio Araba, iamotu tasik Ma’sin, dipasisarak uai daanna lu. Lambanmi tu bangsa iato sipatu tondok Yerikho.

HABAKUK 3:15

Mipatetei darangMi tu tasik, iamotu uai kapua pambura-bura.

YESAYA 63:13

Tu ussolan tau iato mai unnola liku mandalan? Tau iato mai tae’ natitodo ten to darang unnola padang lappa’?

PA’PUDIAN 38:7

Tikongko-kongkona’ sia bukku’ tonganmo’, kiallo-kiallo butungna’ to sidudung pote.

KATASSURAN 14:22

Lumingkami tu to Israel lan tangnga tasik unnolai tu marangkena, na iatu uai butung to rinding tembo’ dio la’pekna patomali.

KATASSURAN 14:29

Apa iatu mintu’ to Israel unnola karangkean lan tangnga tasik, na iatu uainna butung rinding tembo’ umpetangngai dio kananna sia dio kairinna.

YOSUA 3:13

Iake mellesemi lan to’ uai Yordan tu pala’ lette’na mintu’ to minaa tu umbulle patti PUANG, Iamo Puangna mintu’ ma’dandan maritik dao kuli’na padang, tipa’duami tu uai Yordan; na iatu uai lolong daa mai ulunna la tadang butung to misa’ panampo.

YESAYA 63:12

Lima mala’bi’Na Narendenanni tu lima kananna Musa sia umpasisarak uai dio tingayona tau iato mai, la umpatulangdanan Kalena misa’ sanga matontongan.