PA’PUDIAN 77:2 - Sura' Madatu

² Meongli’na’ langngan Puang Matua sia mengkamoyana’, sia inang meongli’na langngan Puang Matua, sangapaoi Natanannina’ talinga.

PA’PUDIAN 77:2 Referans Kwoze

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

KADADIAN 37:35

Saemi tu mintu’ anakna muane sia anakna baine la umpakatanai, apa noka dipakatana nama’kada nakua: Belanna diona te anakku, angku la ma’pote dibolong sae lako maleku lako lino to mate! Susimoto tu Yusuf natangi’i ambe’na.

YESAYA 26:9

Kalebu tallang tu penaangku lan ungkamali’Komi ke bongi, ondongpi iatu ba’tengku lan undaka’ bangKomi; belanna iake rampomi tama lino tu mai ukungamMi, attu iato mintu’ issinna lino umpelada’i kamaloloan.

YESAYA 26:16

O PUANG, iatonna mandasa tu tau iato mai, nadaka’moKomi, iatomMi ada’i, umpakendek kamama’mi passambayangna.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

HOSEA 5:13

Iatonna perasai sakinna tu Efraim, sia iatonna ussarroan bundangna tu to Yehuda, malemi tu Efraim lako Asyur sia mesua lako datu Passirarian. Apa tae’ anna iate umpamalekekomi, tae’ anna ia la umpamondoi tu bundangmi.

YEREMIA 31:15

Nakua kadanNa PUANG: Perangii, dio Rama den bating sia tangi’ tu mandu merio-rio, iamotu Rahel untangi’i mintu’ anakna, natang pakaranga-ranganna, belanna tae’mo tu anakna.

YOHANES 11:31

Iatu mai to Yahudi tu nasolan Maria unno’ko’ lan banua sia umpakatanai, tonna tiroi tu Maria tikara-kara ke’de’ nasun, sangundiammi urrundu’i, belanna nasanga kumua la lao lako to’ liang umbating dio.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

SARAMBU PEADA’ 18:14

Iatu kabattaranna tau ussande’i lan kamaparrisanna, apa iatu penaa bonnong mindara la umpakatanai?

PA’PUDIAN 86:7

Iake mandasana’ meongli’na’ mati’ Kalemi, belanna tae’ amMi tang umperangiina’.

PA’PUDIAN 63:6

Iatu deatangku butung la dipedia’i sanda mammi’na sia malompona. Sia iatu randan dipudukku la mela’tek umpudiKomi.

PA’PUDIAN 18:6

naerrena’ mintu’ pearra’ lino to mate; sia la naalana’ mintu’ poya kamatean.

AYUB 11:13

Iake mupamaloloi tu penaammu, sia umballa’ko limammu, lako Puang;

2 OSSORANNA DATU 6:28

Iake ra’pak padangi lan tondok iato, ba’tu denmi ropu, ba’tu pasianni ba’tu langkoi tu gandung, ba’tu denni batik sola nango, ba’tu napapusa’i ualinna tu tau iato mai lan mintu’ kota dio lu tondokna, ke saei tu sala umbanna parri’ ba’tu saki;

KADADIAN 32:28

Nakuami tinde tau: Tae’mo mudisanga Yakub, sangadinna Israel, belanna mangkamoko sirari Puang Matua sia tolino ammu patalo.

PA’PUDIAN 55:17

Apa iatu aku te meongli’na’ lako Puang Matua, na PUANG la ullendokanna’.