PA’PUDIAN 74:2 - Sura' Madatu

² Kilalai tu kombongamMi, tu mangka Mipolean tempon dio mai, sia mangka Mipopentorro to makaka la Mipogarempong mana’, sia iatu buntu Sion, inan Minii torro.

PA’PUDIAN 74:2 Referans Kwoze

YEREMIA 10:16

Apa tae’ nasusito tu taana Yakub; Iamo Tokumombong sanda mairi’ sia garonto’ mana’Na to Israel: tu digente’ PUANGna mintu’, ma’dandan maritik.

PA’TOLE 32:9

Belanna iatu taunNa tu Napotaa PUANG, Yakub iamo Napotaa mana’ Puang, tu disukaranni.

KATASSURAN 15:16

Narampoimi kamatakuran sia katirambanan tu tau iato mai, tang tilento ten to batu tete dio takia’ mawatangMi, anna tarru’ bang lumingka tu mintu’ taumMi, o PUANG, anna tarru’ bang lumingka tu mintu’ taumMi, tu Miappa’.

KATASSURAN 15:13

Belanna kamaturu-turuamMi Misolanni te bangsa iate, tu Milendokan; Sia tete dio kamatotoramMi amMi paela’ mana’pai lako inan maindanMi.

PA’PUDIAN 135:4

Belanna Napilean langsa’mo Kalena PUANG tu Yakub, sia Natonnoran bua kayumo tondon to batangNa tu Israel.

PA’TOLE 4:20

apa iatu kamu Naalamokomi PUANG sia Nasolangkomi tassu’ lan mai dapo’ bassi, iamotu Mesir, ammi dadi taunNa, susitu a’gammi te allo iate.

KADA OMBO’ LAKO RASULU’ YOHANES 5:9

Napopenanimi tau iato mai tu misa’ nanian ba’ru, nakua: Sipatukomi unnalai tu sura’ iato, amMi bungka’i tu ca’na, belanna mangkamoKomi direre’, anna tete dio raraMi Mila’bakanNi Puang Matua tu tau tu lu dio mai mintu’ suku tau sia basa sia to sangpetayanan sia bangsa.

TITUS 2:14

tu mangka ussorong Kalena belanna kita, kumua anna la’bakki’ dio mai mintu’ kakadakeanta, sia kumua anna pamaseroanni Kalena tu sangrapu tau la Napotau misa, tu birisanna umpogau’ kameloan.

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

YEREMIA 51:19

Apa tae’ nasusito tu taana Yakub; Iamo To kumombongna sanda mairi’ sia Israel tu Garonto’ mana’Na; iamo digente’ PUANGna mintu’ ma’dandan maritik.

YESAYA 63:17

O PUANG, ma’apai amMi elorangkan pusa dio mai lalanMi? Ma’apai amMi pamakarra’i tu penaangki, naurunganni tang ungkataku’Komi? SulemoKomi belanna mintu’ taumMi, sia mintu’ suku mana’Mi.

YESAYA 63:9

Mintu’ kapu’duranna tau iato mai Napokapu’duran duka, na tau iato mai Narampanan Malaeka’ tu umpaombo’ Puang. Belanna pa’kaboro’Na sia kamamaseanNa Nala’bakki tu tau iato mai sia Naendekanni sia Naindo’i lan mintu’ attu tempon dio mai dolona.

YESAYA 62:12

La digente’ Bangsa masero pindan tu tau iato mai, sia to Nalendokan PUANG; sia la disangaiko: Kota naporai tau sia kota tang ditampe.

YESAYA 51:11

Iatu mintu’ to Narampanan PUANG la sule sia la kumalasi-lasi sae lako Sion; sia kaparannuan masae lako la napomakota dao ulunna, tau iato mai la unnappa’ kasendean sia kaparannuan, anna mintu’ kamasussan sia kasumarroan la mallai dio mai kalena.

PA’PUDIAN 106:40

Iamo bannangna to anna ma’lulu-lulu tu kasengkeanNa PUANG lako taunNa, sia Nasayu pallan tu to Napomana’;

PA’PUDIAN 77:15

Kamumo tu Puang umpogau’ apa kalle-kallean, sia mangka Mipapayan tu kuasamMi dio lu mintu’ bangsa.

PA’PUDIAN 68:16

Iatu buntu Basan buntu malangka’ tongan, sia iatu buntu Basan iamo buntu ma’botto-botto:

PA’PUDIAN 33:12

Maupa’ tu bangsa umpoKapenomban PUANG, iamotu to sangpetayanan mangka Napilei langsa’ Napotau misa.

PA’PUDIAN 9:11

La narannuangKomi tu mintu’ to untandai sangamMi, belanna tae’ bangpa Mitampe lenni tu to undaka’Komi, o PUANG.

PA’TOLE 9:29

Manassa tau iate bangsaMi sia tau mana’Mi, tu Misolan tassu’ tete dio kakapuanna kamatotoramMi sia takia’ tie’te’Mi.

PA’TOLE 9:26

sia massambayangna’ lako PUANG. Ma’kadana’ kukua: O Puangku PUANG, da Mimangsanni te mai bangsaMi sia tau mana’Mi, tu Milendokan tete dio kapasareonganamMi sia Misolan lan mai Mesir tete dio lima mawatang.

PA’PUDIAN 9:12

Pakendekki tu pa’pudian langngan PUANG tu unnisung dao Sion, pa’peissananni tu mintu’ penggauranNa dio lu mintu’ bangsa,

PA’PUDIAN 94:14

Belanna tae’ anNa la ussuale pala’i PUANG tu taunNa, sia tae’ anNa la untampei tu mana’Na:

YESAYA 62:6

E Yerusalem, Kupadaomo bentengmu tu pa’kampa, tu tang la ma’pakappa allo bongi tontong sae lakona. E kamu, tu umpakilalanna PUANG, da mimengkata’ka’len.