PA’PUDIAN 74:1 - Sura' Madatu

¹ Misa’ gelong bangunan ada’na Asaf. O Puang Matua, apa bannangna amMi tibemorakanni tontong sae lakona? Sia apa bannangna anna re’dekra tu ara’Mi lako mintu’ domba Miparibala?

PA’PUDIAN 74:1 Referans Kwoze

PA’TOLE 29:20

manassa tae’ namorai tu PUANG umpagarri’i tu kasalanna tau iato, sangadinna iatu kare’dekan ara’Na PUANG sia kanokanNa ditimba oloNa dukku urrampoi tu tau iato; iatu mintu’ pa’tampak ropu, tu disura’ lan sura’ iate la unta’pai sia PUANG la umpa’dei tu sanganna lan nasambo langi’.

PA’PUDIAN 100:3

Issanni kumua iatu PUANG, iamo Puang Matua. Iamo ungkombongki’ na kita te kombongNaki’, taunNaki’ sia domba nalaai.

PA’PUDIAN 79:13

Na kami te, taumMi, sia domba Mikambi’, la umpudiKomi tontong sae lakona, sia kisiosso’i umpa’peissanan kadipudi-pudiamMi.

PA’PUDIAN 95:7

Belanna iamo Kapenombanta. Sia kita tu bangsa nakambi’, sia domba Napelisu pala’. Melo kemiperangii tu gamaranNa te allo totemo!

PA’PUDIAN 44:9

Puang Matua tu kisattuan kiallo-kiallo, sia la kipudi tu sangamMi sae lakona. Sela

LUKAS 12:32

Da mimataku’ e to tang pira, belanna mangkamo Napondok Ambe’mi umbengan ParentaNa lako kalemi.

YEHEZKIEL 34:31

Kamumo tu dombaKu, iamotu domba Kukambi’; kamumo tu tolino, na Aku tu Kapenombammi, kadanNa Puangta PUANG.

YEREMIA 31:37

Inde sia tu kadanNa PUANG, Nakua: Iake la ma’dinni disuka’ tu langi’ dao sia mintu’ parandangan lino diong ma’din disandak, maneri Kutibe tu mintu’ bati’na Israel, belanna mintu’ penggauranna, kadanNa PUANG.

YEREMIA 23:1

Upu’ allona tu mintu’ to mangkambi’ tu ussanggang sia umpasisarak-sarak mintu’ domba Kukambi’, kadanNa PUANG.

PA’PUDIAN 79:5

Sangapapira, o PUANG? La tontong bangraka tu kasengkeamMi? Sia iatu kapangimburuamMi la ma’pamampu’raka susi api?

PA’PUDIAN 77:7

Sia ta’ka’ lan penaangku tu sengo pa’pudi-pudiangku ke bongi, ma’pasibuyu’-buyu’mo’ lan ba’tengku sia napelalan kumman penaangku, kumua:

PA’PUDIAN 42:11

Butung misa’ petobok lan lu bukungku, susimoto tu nabe’seanna’ mintu’ to unneana’, belanna tontong bangna’ nakuan kumua: Umbamira tu Kapenombammu?

YEHEZKIEL 34:8

La lelukraka tuoKu, kadanNa Puangta PUANG, belanna iatu dombaKu naporampan sia napokande mintu’ olo’-olo’ dio lu padang kataeranna to mangkambi’na – belanna iatu mai to mangkambi’ku tae’ napoinaai tu mai dombaKu; iatu mai to manglaa kalena manna nakambi’, apa iatu mai dombaKu tae’ nakambi’i –

PA’PUDIAN 78:1

Misa’ gelong bangunan ada’na Asaf. E rapungku, rangimi te bangunan ada’ku, sia tananni talinga te mintu’ motokan lilaku.

PA’PUDIAN 60:10

Na iatu Moab pembasean lentekku, anna iatu Edom la kunii umpellebaran sepatungku, unnarrakna’, belanna kutalo tu tondok Filistea.

PA’PUDIAN 60:1

Lu lakona pangala sengo. Unturu’ baenan sengo: Bunga bakung sukaran aluk. Misa’ ianan ballona Daud, napa’pangadaran lako tau.

PA’PUDIAN 42:9

Iake allona Napasonglo’ PUANG tu kamasokananNa, sia iake bonginna umpopenanina’ nanian dipudianNi, ondongpi misa’ passambayang langngan Puang Matua, oto’na katuoangku.

PA’PUDIAN 18:8

Lino’mi tu padang sia tigega’, sia mintu’na garonto’ tanete tiseno, sia tigega’ belanna kare’dekanna ara’Na.

PA’PUDIAN 10:1

O PUANG, apara bannangna amMi toyangra bendan, sia apara bannangna amMi membunira tonna attu kapussakan?

KATASSURAN 32:11

Mengkamase-masemi tu Musa dio oloNa PUANG, Kapenombanna nakua: O PUANG, ma’apari amMi la umparampoiri kare’dekanna ara’Mi tu taumMi tu Misolan lan mai tondok Mesir tete dio kamatotoran kapuaMi sia lima mawatangMi?

2 DATU 21:14

Sia la Kutibe tu taan mana’Ku, tu torronapa, sia la Kusorong tama kuasanna mintu’ ualinna, naurunganni dadi pangrampa sia nasialai mintu’ ualinna.

PA’PUDIAN 50:1

Pa’pudianna Asaf. Puang Matua undaoanni mintu’ deata, Iamo PUANG, ma’kada sia untambai mintu’ banne lino randuk lan mai matallo landa’ rokko kalambunan.

PA’PUDIAN 77:8

Ma’apai anna la metampe tarru’ tu Puang, sia tang la mekaturu-turuimo?

PA’PUDIAN 80:5

O PUANG, Kapenombanna mintu’ ma’dandan maritik, sangapapira tu kasengkeamMi ungkanoka passambayangna taumMi?

PA’PUDIAN 85:6

La tontong bangroKomika sae lakona ussengkeikanni? Sia tontongraka la Mipaparan bati’ki tu kasengkeamMi?

YESAYA 64:8

Apa totemo, o PUANG, Kamumo tu Ambe’ki; pitti’kan te, na Kamu tu To tumampaki, sia kami sola nasang panggaraga limamMikanni.

BATING 5:22

La Mitampe tarru’ morakannika? La mandu liuraka tu kare’dekan ara’Mi lako kaleki?