PA’PUDIAN 73:9 - Sura' Madatu

⁹ Tau iato mai mematu-matu manna kadanna sae langngan langi’, sia iatu lengko lilana untapa’ mintu’ apa lan lino.

PA’PUDIAN 73:9 Referans Kwoze

KADA OMBO’ LAKO RASULU’ YOHANES 13:6

Umpatiku’bi’mi pudukna umpa’kada solangi Puang Matua, la umpokada solang sanganNa sia tendaNa sia mintu’ tu to untorroi suruga.

YAKOBUS 3:6

Iatu lila susi misa’ api; anna mintu’na lesoan kaleta lilamo tu misa’ lino pa’rampunanna mintu’ kakadakean, urruttakki mintu’ batang kale sia umballa mintu’ lalan katuoanta, anna ia kalena naballa api naraka.

KATASSURAN 5:2

Apa mebali tu Firaun nakua: Mindara tu PUANG, tu sipatu la kuturu’ kadanNa sia unneloranni tu to Israel male? Tae’ kutandai tu PUANG iato sia tang kueloran tu to Israel male.

DANIEL 7:25

Sia la ussa’bu’ ba’tu pira-pira kada umbali-bali Puang Patodoranna sia umpandasa to maserona Puang Patodoranna; sia undaka’ lalan la ussondai attu sia atoran, sia la disorong tu tau iato mai tama limanna lan misa’ attu sia ba’tu pirang-pirang attu na sangtangnga attu.

DANIEL 3:15

Kusanga melo, ke naalai penaammi, iammi rangii tu oni tarompe’, suling, katapi, su’dekan, dandi sia suling rapi’ sia ma’rupa-rupa oni-onian, la lumbangkomi sae rokko padang umpenombai tu rapang-rapang dipodeata, tu mangka kugaraga, (tae’ ammi dipatumba-tumba), apa ke tae’i mipenombai, ta’pa dipembuangangkomi tama dapo’, nanii api ma’lana-lana, sia den pole’raka misa’ deata tu ma’din urrampanangkomi lan mai limangku?

2 OSSORANNA DATU 32:15

Dadi totemo, da napakenakomi Hizkia sia da napapusakomi, sia da mipatonganni, belanna moi misa’ deata dio lu to sangpetayanan ba’tu kadatuan tae’ tu ungkullei urrampanan taunna lan mai kuasangku sia lan mai kuasanna nene’ to doloku; ondongpi umba la nakua tu Kapenombammi ungkullei urrampanangkomi lan mai kuasangku!

LUKAS 18:4

Lendu’mo masainna moka bang tu to mangra’ta’ kara-kara, apa undinna nakuami lan penaanna: Moi natae’ kumataku’ lako Puang Matua sia moi tae’ bang tau kusanga misa’ duka;

PA’PUDIAN 52:4

Iatu tongka’ dililamu undaka’ bang kasanggangan, susi piso peku’ku’ mataran, e iko to umparri-parri kalando-pa’duan.

AYUB 21:14

Apa ma’kada lako Puang Matua nakua: ToyangKomi dio mai kaleki, belanna tang kiporai untandai tu lalanMi.