PA’PUDIAN 73:16 - Sura' Madatu

¹⁶ Susito ma’tangnga-tangnga’mo’ la morai unnissanni, apa masu’sak duka kutangnga’.

PA’PUDIAN 73:16 Referans Kwoze

TOMANGADA’ 8:17

attu ia dukato kutiro tu mintu’ pengkaranganNa Puang Matua, tae’ nalambi’ tangnga’na tolino, iamotu mintu’ penggauran lan naarrang matanna allo; belanna moi umba nakua mara’ta’ tu tolino undaka’i, tae’ duka nalambi’i, ondongpi moi anna ma’kada tu misa’ to kinaa, kumua naissanni, tae’ duka nalambi’i tangnga’na.

ROMA 11:33

Tang pada ia mandalanna tu kasugiran kakinaanNa Puang Matua sia kapaissananNa! Tumba ia tang dilambi’na disandak tu mintu’ pangra’ta’Na sia tumba tang dilambi’na dirundunan tu mintu’ lalanNa.

PA’PUDIAN 97:2

Iatu gaun sia kamalillinan untikui lao, sia kamaloloan sia katonganan napoparandangan isungan kapayunganNa.

PA’PUDIAN 77:19

Iatu oni guntu’Mi menanan, sia iatu kila’ unnarrang lino, na iatu lino rumonting sia tiseno.

PA’PUDIAN 39:6

Manassa iatu sunga’ku sangdangkanri mangka Milampak, sia iatu katuoangku butung bayo-bayo bangri dio oloMi; ondongpi mintu’ tau bendan, susi bangri damo’. Sela

PA’PUDIAN 36:6

O PUANG iatu kamasokanamMi sumpu langngan langi’, sia iatu kamarurusamMi tu’tun dao massaliu’na.

TOMANGADA’ 1:17

susimoto kunii umpatu’tunni lan penaangku la untandai tu kakinaan sia kapaissanan sia kabagan sia katangpaissanan. Apa kutandaimo, kumua ia duka tu iannato susiki’ to unnula’ angin.