PA’PUDIAN 73:15 - Sura' Madatu

¹⁵ Iake la lanni penaangku kumua: La ma’kada susina’ to, manassa ussolangina’ to tama bilangan bati’Mi’.

PA’PUDIAN 73:15 Referans Kwoze

MALEAKHI 2:8

Apa iatu kamu sepangmokomi dio mai lalan pa’pangada’mi diona Sukaran aluk napobannang buda tau titodo; mipakadake tu basse sola Lewi, kadanNa PUANGna mintu’ ma’dandan maritik.

1 PETRUS 2:9

Apa kamu te misa’ rapu ditonno’, misa’ kombongan tominaa ma’parenta, misa’ bangsa masallo’, sangrapu tau misanNa Puang Matua, kumua ammi pakaleleanni tu penggauran kapuanNa Puang, tu untambaimokomi tassu’ lan mai kamalillinan mentama kamaseroan kalle-kalleanNa;

ROMA 14:21

Melo ke da mukandei tu duku’, ba’tu unniru’ uai anggoro’, ba’tu apa-apa, tu napotitumbunna penaanna siulu’mu.

ROMA 14:15

Belanna iake diona kande iato anna masussa tu siulu’mu, tangiamo lalan kasiala-masean muola. Da nadiona tu kande mukande munii ussanggangi, tu to mangka Napomate Kristus.

PA’PUDIAN 24:6

Iamora te mai tu to tama bilangan to umpekutanan Puang, iamotu to undaka’ rupamMi, iamotu Yakub! Sela

PA’PUDIAN 22:30

Mintu’ to mala’bi’ lan te lino la kumande sia umpenombai; sia mintu’ to sulemo lako litak la tukku dio oloNa, iamotu to tang nakulle ungkarimmanni deatanna.

PA’PUDIAN 14:5

Indeto nanii urrampoi kaselangan sola nasangi, belanna Puang Matua urrondong to tama bilanganna to malambu’.

1 SAMUEL 2:24

Da misusito, e anakku, belanna tae’ nakareba melo tu kurangi napatale’ taunNa PUANG.