PA’PUDIAN 72:10 - Sura' Madatu

¹⁰ Sangapaoi anna mintu’ datu Tarsis sia datunna tu mai lebukan la umpennoloan pamenganna, sia mintu’ datu Syeba sia Seba la umpakendek pa’kasianna.

PA’PUDIAN 72:10 Referans Kwoze

YESAYA 60:6

La nasamboi unta ma’baanan tu mai padangmu, iamotu unta mangura dio mai Midian sia Efa; la sae tu tau sola nasang dio mai Syeba umbaa bulaan sia kemenyan sia la umpa’peissanan penggauranNa PUANG tu sipatu dipudi.

YESAYA 49:7

Nakua kadanNa PUANG, Pela’bakna to Israel, To maserona, lako to tarru’ nasokkoi tau, sia nakagi’gi’ bangsa iato, tu napokaunan mintu’ to ma’parenta: La natiro mintu’ datu anna bendan; susi dukato tu mintu’ arung anna tukku, belanna PUANG, To maruru’, To maserona Israel, tu umpilei langsa’ko.

PA’PUDIAN 68:29

Nasuamoko kuasa Kapenombammu, ammu pokuasai; o Puang Matua pa’pekitanammi tu kuasamMi, Kamumo, tu mangka umposara’kan.

1 DATU 10:1

Iatonna rangimi datu baine dio mai Syeba tu kareba diona Salomo tu siumpu’ sanganna PUANG saemi la umpeponto bannangi.

YESAYA 60:9

Belanna Aku la napeagi tu to ma’biring tasik; na iatu mai kappala’ dio mai Tarsis iamo bunga’na sae umbaa mintu’ anakmu muane dio mai padang mambela; la nabaa duka tu mai salakana sia bulaanna, la umpangke’ sanganNa PUANG, Kapenombammu, To maserona Israel, belanna Napakala’bi’ko.

PA’PUDIAN 45:12

Ke naalai penaanna datu tu kamaballoammi, belanna iamo dipopuang, la tukkukomi lako.

2 OSSORANNA DATU 9:21

Belanna den tu lembangna datu ma’palulako Tarsis sola taunna Huram, sipissan lan tallung taun natamao tu lembang dio mai Tarsis umbaa bulaan sia salaka sia gading sia seba sia merak.

KADADIAN 10:7

Iatu muane nadadian Kush iamo Seba, Hawila, Sabta, Raema na Sabtekha; na iatu muane nadadian Raema, iamo Syeba na Dedan.

MATIUS 2:11

Malemi tinde tau tama banua iato, nakitai tu Pia’-pia’ sola Maria, indo’Na; tukkumi umpenombaI, nabungka’ nasangi tu pa’pannianna napasunni tu iananna, anna penombanni lako tu pa’kasianan, iamotu mai bulaan sia dupa sia muru.

YESAYA 60:3

Mintu’ bangsa la umpengkara’pai arrangmu sia mintu’ datu umpengkara’pai kamarorrongan bu’tu dio kalemu.

YESAYA 43:6

La Kukua rekke ulunna salu; Pasulei, anna sau’ pollo’na uai: Da mupadapai, solanni sule tu mai anakKu muane dio mai padang mambela sia iatu mai anakKu baine dio mai randan langi’,

YESAYA 43:3

Belanna Akumo, PUANG, Kapenombammu, To maserona Israel, Pela’bakmu; Kusorong tu Mesir, Etiopia sola Syeba la dipasondana ulla’bakko.

YESAYA 42:10

PakendekanNi nanian ba’ru tu PUANG, sia kadipudianNa dio mai mintu’ randan langi’, e kamu to massombaran lan lu tasik sia mintu’ tu issinna; e kamu randan tasik sia mintu’ to umpa’tondokki.

YESAYA 42:4

Tae’ anna la ma’millo mannamo ba’tu dira’pak sae lako napantokna tu malolona lan lino; na mintu’ biring tasik la untayanni tu pangadaranna diona sukaran aluk.

1 DATU 10:25

Pantan umbaami pamenganna, iamotu oongan salaka sia bulaan, pakean, pa’buno, pebangki’, darang sia bagala’, ke taunnoi.

1 DATU 10:10

Nabenmi bulaan tu datu Salomo saratu’ duangpulo talenta sia lendu’ budanna pebangki’ sia ma’rupa-rupa parimata ballo: iatu pebangki’ napa’bengan datu baine Syeba lako datu Salomo, tae’mo padanna totu nabaa tau.

1 DATU 10:2

Saemi dio Yerusalem naturu’ baanan makamban sia ba’tu pira-pira unta unteke’ pebangki’ sia bulaan lendu’ budanna sia ma’rupa-rupa parimata ballo. Rampomi lako Salomo, anna pokadai lako tu mintu’ apa lan penaanna.

ESTER 10:1

Napakannaimi sima datu Ahasweros tu tondok menggantananna sia iatu tondok ma’biring tasik.

PA’PUDIAN 68:30

Belanna diona banuamMi dio Yerusalem, anna pennoloan pamengan lako Kalemi tu mai ba’tu pira-pira datu.