PA’PUDIAN 71:5 - Sura' Madatu

⁵ Belanna Kamuri kapa’rannuanangku, Puangku PUANG. Tu kuposande’ tempon bitti’ku.

PA’PUDIAN 71:5 Referans Kwoze

YEREMIA 17:7

Maupa’ tu to rannu lako PUANG sia sande’ lako PUANG.

PA’PUDIAN 39:7

Iatu mintu’ tau timbayo bangri susi bayo-bayo; ussara’i punala bang kalena, untombon ianan, apa tae’ naissanni minda la umpomaruai.

PA’PUDIAN 71:17

O Puang Matua, Miada’imo’ tempon dio mai bitti’ku, nasae lako totemo kupa’peissanan tu mintu’ penggauran kalle-kalleamMi.

PA’PUDIAN 119:81

Mamali’ tungka tu penaangku lako kasalamaran dio mai Kalemi, sia urrannuanna’ kada pangallu’Mi.

YEREMIA 17:17

Da Midadi apa metakuran lako kaleku; Kamumo pentirerungangku ke allo kamandasan.

PA’PUDIAN 119:166

O PUANG, kurannuan tu kasalamaran lu dio mai Kalemi, sia kukaritutui mintu’ pepasanMi.

ROMA 15:13

Denno upa’ anNa Puang Matua, tu oto’na kapa’rannuanan, umponnoikomi mintu’ kaparannuan sia kamarampasan tete dio kapatonganan, anna sakapua-puana rannummi belanna kamatotoranNa Penaa Masallo’.

YEREMIA 17:13

sia pa’rannuanna to Israel, o PUANG! iatu mintu’ to untampeKomi la kasirisan; minda-minda tu memboko’ dio mai Kalemi, la disura’ tu sanganna diong padang, belanna natampemo tu kalimbuang boba iamotu PUANG.

YEREMIA 14:8

O Pa’rannuananna to Israel! o Patunduanna, ke attu kapussakan, ma’apai amMi la butung to sae lan tondok iate, sia butung to lendu’ lalan, tu lendu’ bangri ma’bongi?

2 TIMOTIUS 3:15

sia tempon dio mai bitti’mu mutandaimi tu mintu’ Sura’ MadatunNa Puang Matua, tu ma’din umpakinaako la umpabu’tu kamakarimmanan tete dio kapatonganan lako Kristus Yesu.

LUKAS 2:40

Sakapua-puanami tinde Pia samatoto’-toto’Na sia Naponnoi kakinaan sia tae’ natore pa’kamaseanNa Puang Matua lako.

PA’PUDIAN 13:5

Da nama’kada tu ualingku kumua: kutalomo, sia da naparannu paiman tu balingku, ke tilende’na’.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

YEREMIA 50:7

Iatu tau iato mai napurai nakande mintu’ to unnapparanni sia nakua tu mintu’ ualinna: Tae’ kisala, belanna kasalammo tu tau iato mai lako PUANG, tu inanna kamaloloan, ondongpi lako PUANG, pa’rannuananna nene’ to dolona.

TOMANGADA’ 12:1

Iamoto, kilalai tu Totumampamu lan attu kamangurammu, namane sae tu allo kadake sia taun, tu la mupokada diona a’ganna: Tae’ naalai penaangkuto.

PA’PUDIAN 42:11

Butung misa’ petobok lan lu bukungku, susimoto tu nabe’seanna’ mintu’ to unneana’, belanna tontong bangna’ nakuan kumua: Umbamira tu Kapenombammu?

1 DATU 18:12

Iake malemo’ untampekomi, anna saemo tu PenaanNa PUANG umbaa senga’komi, na tae’ kutandai umba tu minii, sia iake rampomo’ umpokadanni Ahab, anna tae’ naappa’komi, manassa napateina’. Na iate aku taummi mengkaola bangna’ lako PUANG tempon bitti’ku.

2 OSSORANNA DATU 34:3

Iatonna ma’karuamo taunna ma’parenta, tonna mangurapa, naparandukmi undaka’ Kapenombanna Daud, nene’ to dolona, na iatonna ma’sangpulo duamo taunna ma’parenta naparandukmi usseroi Yehuda sia Yerusalem dio mai mintu’ inan madao, sia lentong dipodeata sia iatu rapang-rapang dipodeata dipa’ sia rapang-rapang dipodeata dipati’no’.