PA’PUDIAN 71:10 - Sura' Madatu

¹⁰ Belanna mintu’ ualingku ussipakulu-kuluina’, sia iatu to undaka’ sunga’ku sama turu’ undaka’ lalan.

PA’PUDIAN 71:10 Referans Kwoze

YEREMIA 20:10

Belanna kurangimo tu tau buda sibisik-bisik – den kamaramban tiku lao – nakua: Pokadai apara tu la tatandaranni! Mintu’ solaku tu kusikadamakan ummanta-manta katobangangku sia nakua: Lalo sia manii tanaran anta ma’din umpasalai sia umpabala’i.

PA’PUDIAN 83:3

Belanna tiromi, marukka nasangmo tu mintu’ ualimMi, sia mintu’ to ungkabiri’Komi umbangunan ulunna.

PA’PUDIAN 56:6

Tontong keallo tu tau iato mai umbulang leko’ kadangku sia mintu’ tangnga’na la ussanggangina’.

PA’PUDIAN 31:13

Napasalaimo’ penaanna tau butung to mate, sangtintimo’ to kurin tesse.

MATIUS 27:1

Iatonna masiangmo, nakombongammi mintu’ pangulu to minaa sia pekaamberan pa’tondokan tu diona Yesu, kumua anNa dipatei.

SARAMBU PEADA’ 1:11

Iake ma’kadai tu tau iato mai, nakua: Maiko tamale sola mangodo’ umpatibollo rara, sia la unnaungan to tang kasalan, moi tae’ bannangna;

PA’PUDIAN 10:9

Mangaung dio to’ kabunianna butung to singa lan to’ kakayuanna; sia mangaung la undammak to dipandasa. Nadammakmi tu to dipandasa, nariu’i tama bundena.

PA’PUDIAN 2:2

Mintu’na datu lan te lino sangtiangkarammo, sia mintu’nato paa samaturu’mo la unnea PUANG sia To NatokkoNa, nakua:

1 SAMUEL 19:11

Nasuami Saul tu ba’tu pira-pira tau lako banuanna Daud, la ungkampai anna patei, ke masiangi dio mai; napaissannimi Mikhal, bainena Daud, tu apa iato lako Daud, nakua: Iake tae’i nabongi ia bangsiamote mulussuran kalemu, manassa masiang ammu dipatei.

PA’PUDIAN 109:20

Sangapaoi anna mintu’na te Napa’papakkanan PUANG lako mintu’na balingku, sia lako mintu’ to ullangdona’.