PA’PUDIAN 7:17 - Sura' Madatu

¹⁷ Iatu kakadakean la tibalik langngan botto ulunna, sia iatu pa’pakario-riona la unta’pai passaronganna.

PA’PUDIAN 7:17 Referans Kwoze

PA’PUDIAN 9:2

La ponno penaangku umpudiKomi, o PUANG, sia la kuulelean tu mintu’ penggauran kalle-kalleamMi.

PA’PUDIAN 98:2

Na’pa’peissanammo PUANG tu kasalamaran lu dio mai Kalena, sia umpaombo’ kamaloloanNa dio tingayona mintu’ bangsa.

PA’PUDIAN 111:3

Mala’bi’ sia tarompo’ penggauranNa Puang, sia iatu kamaloloanNa tontong sae lakona.

DANIEL 4:34

Apa iatonna lendu’ nasangmo tu attu iato, mentingaramo’ langngan langi’ tu aku, Nebukadnezar, tibalikmi sule tama kaleku tu tangnga’ kinaangku, iamoto kupudimi tu Puang Patodoranna sia kupakala’bi’mo sia kupangke’mo tu Puang Tuo sae lakona, belanna iatu parentaNa misa’ parenta matontongan sia iatu kadatuanNa tontong siosso’.

PA’PUDIAN 92:8

Iake lobo’i tu to tang mekaaluk susi riu, sia memba’ka’ tu mintu’ to umpogau’ kakadakean iatu iannato, kumua anna sabu’ nasang tu tau iato mai sae lakona.

PA’PUDIAN 35:28

La nasa’bu’ tongka’ dililaku tu kamaloloamMi, sia kadipudiamMi kiallo-kiallo.

PENGGAURANNA RASULU’ 7:48

Apa iatu Puang patodoranna tae’ Nanii banua panggaraga lima, susitu napokada nabi nakua:

PA’PUDIAN 51:14

Pasulei lako kaleku tu kaparannuan kasalamaran lu dio mai Kalemi, sia penaa mengkaolakumora la ussande’na’.

PA’PUDIAN 145:7

La napa’peissanan tau tu tanda pengkilalan diona kamasokanan kapuaMi, sia la mela’tek umpudii kamaloloamMi.

PA’PUDIAN 92:1

Pa’pudian. Nanian allo katorroan.

DANIEL 4:25

La naali’komi tau dio mai sangbilangan tolino na iatu katorroammi la sisola olo’-olo’ dio lu padang; anna pakandekomi tau riu ten to sapi, ammi dipopa’elo’na nasakka’i ambun dao mai langi’; la nalambi’ pempitu attu la minii susito sae lako miakunna, kumua Puang Patodorana ungkuasai kadatuanna tolino sia Nakamasei tu minda-minda Naporai.

DANIEL 4:17

Iate parenta iate napamatu’tunmo mintu’ to ma’kampa na iatu iannate nalampakmo to masero, anna tandai mintu’ to tuo, kumua Puang Patodoranna ungkuasai tu kadatuan tolino sia Nakamasei minda-minda tu Naporai, ondongpi ma’din natokko tu to tarru’ madiongan dio lu tolino lan kadatuan iato.

TO PARENGNGE’ 9:24

kumua anna dipapakkanni tu pa’pakario-rio, tu diparampo lako pitungpulo anakna muane Yerubaal, iamotu kadipatibolloanna rarana, belanna Napasule Puang langngan botto ulunna Abimelekh, siulu’na, tu mangkamo umpatei sia Napopa’indo’ duka langngan botto ulunna to Sikhem, tu patunduan umpatei siulu’na Abimelekh.

TO PARENGNGE’ 9:57

Sia ia duka tu mintu’ kakadakeanna to Sikhem Napasule nasang Puang Matua langngan botto ulunna. Susimoto tu pa’tampak ropunna Yotam, anakna muane Yerubaal dipalanda’ lako tau iato mai.

2 SAMUEL 3:29

Iatu rara iato nata’pa daomora ulunna Yoab sia mintu’ rapunna. Lan banuanna Yoab tang la ka’tu tau nakasunni rara sia golenan sia kupi’ anna ma’tekken sia nakande pa’dang sia karorian.

1 DATU 2:32

La Napasulean PUANG tu rarana dao botto ulunna, belanna mangka umba’ta sia umpatei pa’dang tu da’dua to malambu’ sia melo anna ia, tu tang naissan ambe’ku Daud, iamotu Abner, anakna Ner, pangulu rarinna to Israel sia Amasa, anakna Yeter, pangulu rarinna to Yehuda.

ESTER 9:25

Apa iatonna malemo (tu Ester) mennolo lako datu, napatassu’mi datu tu sura’ parenta, kumua iatu tangnga’ kadake tu natangnga’ unnea to Yahudi, la sule ta’pa dao ulunna. Iatu Haman sia mintu’ anakna muane nasula tau lako misa’ lentong.

PA’PUDIAN 140:10

Nake nasamboi ipona sia kada kadakena sule tu mintu’ to umpatama limbuna’.