PA’PUDIAN 7:12 - Sura' Madatu

¹² Puang Matua tu To ma’paolai salu tang pakayun bimbang; sia Kapenomban sengke rundun allo.

PA’PUDIAN 7:12 Referans Kwoze

PENGGAURANNA RASULU’ 3:19

Iamoto menassankomi sia mengkatoba’ anna dibasei tu kasalammi sia kumua anna den tu attu kamanamanan dio mai oloNa Puang,

MATIUS 3:10

Nakampai bangmo uase tu garonto’ kayu; iamoto umba tu kayu tang membua melo, la dilelleng na dibuang tama api.

YEHEZKIEL 18:30

Iamoto angKu la umpaolaikomi salunna pantan sitinaya penggauranmi, e to Israel, kadanNa Puangta PUANG. Mengkatoba’komi sia balikkomi dio mai mintu’ salami, da mipobannangi titodo sae lako tobang rokko kakadakean.

PA’TOLE 32:41

manassa iake Kuasai tu pa’dang pandillakKu, sia Kutoe tu ukungan, attu iato la Kupabala’i tu penggauranna to umbaliNa’ sia Kuparampoi pepakkan minda-minda ungkabiri’Na’.

PA’PUDIAN 85:4

Mirampanammo tu mintu’ kare’dekan ara’Mi, sia Mitoyangan tu Kalemi dio mai kasengkean ma’lulu-lulumMi.

YEHEZKIEL 33:11

Ma’kadako lako tau iato mai kumua: La lelukraka tuoKu, kadanNa Puangta PUANG, tae’ naalai penaangKu tu kamateanna to tang mekaaluk, sangadinna mandu naala penaangKu, ke tibalikki tu to tang mekaaluk dio mai lalanna, anna tuo. Tibalikkomi, tibalikkomi dio mai lalan kadakemi. Belanna ma’apari ammi la matera, e to Israel?

YEHEZKIEL 21:23

Moi nasangamo buttok tu biang – sisumpa tonganmo tu tau iato mai –, apa napakilala tu kakadakeanna, anna ditingkan.

YESAYA 34:5

Belanna malangomo tu la’bo’Ku lan suruga; tiromi la songlo’mo rokko Edom sia la unnukung misa’ bangsa tu Kupamanassamo la disabu’i butung pepayu.

YESAYA 27:1

Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

PA’PUDIAN 9:5

Belanna Miposara’mo tu kara-karaku sia panuntunku, unnisungmoKomi dao isungan butung to ma’paolai salu tang pakayun bimbang.

PA’PUDIAN 129:4

Apa iatu PUANG tang pakayun bimbang anNa ra’ta’i tu rari’na to tang mekaaluk.