PA’PUDIAN 7:10 - Sura' Madatu

¹⁰ Melo ke pu’du’i tu mintu’ kakadakeanna to tang mekaaluk, apa pabantangi tu to malambu’, kamumo tu ussudi penaanna sia ba’tengna tau, kamumo tu Kapenomban malambu’.

PA’PUDIAN 7:10 Referans Kwoze

SARAMBU PEADA’ 28:18

Minda-minda tu unnola malolo, la dilendokan, apa iatu to kelok lalanna, tang dikapang-kapang anna tobang.

PA’PUDIAN 125:4

O PUANG, sangapaoi amMi patiroi melo tu mintu’ to melo penaanna, sia lako to ma’bulo lollong.

PA’PUDIAN 84:11

Belanna sangallo dio to’ tarampakMi melo ia anna sangsa’bu allona (dio inan senga’); mandu kuporai untorroi to’ ba’ba banuanNa Kapenombangku na iatu torro lan tendana to tang mekaaluk.

SARAMBU PEADA’ 11:20

Iatu to leko’ penaanna Nakagalli PUANG, apa iatu to malolo gau’na iamo Naposende.

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

SARAMBU PEADA’ 2:21

Belanna iatu bulo lollong la untorroi tondok sia iatu to masallo’ la mareso’ lan,

PA’PUDIAN 112:2

Iatu bati’na la paa lan lino, sia mintu’ taruk bulaanna to ma’bulo lollong la diparongko’.

PA’PUDIAN 89:18

Belanna Kamuri tu napomala’bi’ kamatotoranna, sia diona kamasorokamMi amMi pataranggai tu tandukki.

PA’PUDIAN 3:3

Buda tau umpokadana’ kumua: Tae’ pa’tunduanNa Puang Matua lako kalena. Sela

AYUB 8:6

iake maseroko sia bulo lollong, manassa la tiakka’mo tu Puang untunduiko sia umpasuleko lako tampa rapa’mu sitinaya kamaloloammu.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 6:30

Perangii lan mai suruga, inan matontonganMi sia pa’dei tu kasalanna sia pantan Mipapakkanni sitinaya mintu’ penggauranna, belanna Mitandai tu penaanna – belanna Kamu manna untandai tu penaanna mintu’ ma’rupa tau.

YEREMIA 11:20

Apa o PUANGna mintu’ ma’dandan maritik, Tomangra’ta’ malambu’ sia tu untoba ba’teng sia penaa, inang la kutiro tu pa’bala’Mi lako tau iato mai, belanna lako Kalemi kunii ussorongi tu kara-karaku.

YEREMIA 17:10

Akumo, PUANG, ussandak penaa sia ussudi ba’teng, la umpabala’i simisa’-misa’i tu tau sitinaya kedona sia sitinaya bua penggauranna.