PA’PUDIAN 69:8 - Sura' Madatu

⁸ Belanna Kamumora angku tanggung kadibe’sean, sia natoding siri’ tu lindoku.

PA’PUDIAN 69:8 Referans Kwoze

PA’PUDIAN 31:11

Belanna samandappi’-dappi’na sunga’ku napobua’ karossoan, sia rondon bala batu tu taun katuoangku napobua’ kasumarroan, moro’mo tu kamabukuangku natumang salaku, sia langga’ mintu’ bukungku.

YOHANES 1:11

Saemo umpellambi’i apanNa, apa to Napotau ia tu ungkanokaI.

YOHANES 7:5

Belanna iatu mai siulu’Na tae’ duka napatonganNi.

PA’PUDIAN 38:11

Ma’baramba tu penaangku, sia tae’mo kamabukuangku, sia ia duka tu kamarorronganna matangku pa’demo.

YESAYA 53:3

Dipamatunamo sia nasa’biangan tau, misa’ to tang natampe kamaparrisan sia napembanuai saki, ondongpi susi misa’ to natampunan lindo tau; susimoto tu kadipamatunanna natae’ anta pokariangananni.

1 SAMUEL 17:28

Narangimi Eliab, kaka pa’bunga’na, tu apa napokada lako tau iato, iamoto anna re’dek ara’na lako Daud, anna ma’kada nakua: Ma’apari ammu saera inde te sia mindara mupa’tampei tu domba sidi’ dio padang pangallaran? Kuissanmo tu kabaraniammu sia kakadakeanna penaammu; iatu kasaeammu te, la morairoko untiro kasirarian.

MATIUS 26:56

Apa mintu’na te dadi, kumua anna sundun tu lanna sura’na mintu’ nabi. Sangmallaiammi tu anak gurunNa ussitampei.

PA’PUDIAN 89:51

O Puang, kilalai tu mintu’ napomatunanna tu mai taumMi, tumba ia kupatarinna lan ba’tengku (tu pebe’se) dio mai mintu’ bangsa kapua.

PA’PUDIAN 89:52

Iamotu pa’be’sena mintu’ ualimMi, o PUANG, tu umbe’se mintu’ tengkana to Mitokko!

YESAYA 50:6

Kupopa’elo’na tu boko’ku lako to umbambana’ sia popoku lako to urrotakki sambangku; sia tae’ kutampunni tu lindoku dilo’bo sia ditittudui.

YESAYA 53:4

Tonganna nasondokan tu mintu’ sakinta sia napassan tu pa’di’ta, apa tasanga kumua Napandasa sia Nabamba sia Napakario-rio Puang Matua.

YEREMIA 15:15

O PUANG, Kamu unnissanni, kilalaina’ dikka’, pokarianganna’ sia pembalaranna’ lako mintu’ to unnula’na’! Da Misabu’ina’ tete dio pesuka’ kalandoMi; tandai, kumua untanggungna’ kaditattan belanna Kamu.