PA’PUDIAN 68:8 - Sura' Madatu

⁸ O Puang Matua, iatomMi sun lumingka dolo dio tingayona taumMi sia iatomMi olai padang pangallaran. Sela

PA’PUDIAN 68:8 Referans Kwoze

KATASSURAN 19:18

Mintu’ tu buntu Sinai merambu, belanna songlo’mo tu PUANG lan api sae dao, anna kendek tu rambunna, susi rambu dapo’ sia lendu’ tigega’na tu mintu’ buntu iato.

KATASSURAN 19:16

Iatonna ma’duang bongian melambi’ dadimi dao buntu iato tu ba’tu pira-pira guntu’ sia kila’ sia gaun makamban sia oni tarompe’ pua lendu’ kapuana, naurunganni sipa’parondoan nasang tu tau iato mai lan lu to’ tenda.

IBRANI 12:26

Attu iato Napationdo gamaranNa te lino, apa totemo Naallu’mo, Nakua: Pissanpa la Kupatiseno tangia ia manna te lino, sangadinna langi’ duka.

YESAYA 45:3

La Kukamaseiko ianan dio lu to’ malillinna sia barang apa dio to’ kabunianna, ammu issanni, kumua Akumote tu PUANG, tu mangka untambaiko sangammu, iamotu Kapenombanna to Israel.

PA’PUDIAN 77:18

Iatu mai saliu’ umbarrakan uai, sia iatu langi’ gumalugu, sia iatu tinaranMi sipendelok-delokan.

PA’PUDIAN 68:35

Pangke’i tu kamatotoranNa Puang Matua; iatu kataromposanNa dio Israel sia iatu kuasanNa dao masuangganna.

PA’PUDIAN 41:13

Iate aku te Misande’na’ tete dio kamasalloranna penaangku, sia Kamumo umpatulangdanna’ dio oloMi tontong sae lakona.

YESAYA 64:3

belanna Mipaden tu penggauran metakuran tu tae’ kikapangi; kemMi songlo’, anna tigega’ tu mintu’ buntu dio oloMi.

PA’PUDIAN 114:7

Rumontingko dio olona Puang, e lino. Dio olona Kapenombanna Yakub,

KADA OMBO’ LAKO RASULU’ YOHANES 11:19

Tibungka’mi tu banuanNa Puang Matua dao suruga, kaananmi tu patti pangalluranNa Puang Matua lan tu banua iato; saemi ba’tu pira-pira kila’ sia gamara sia guntu’ sia lino’ sia uran batu kamban.

HABAKUK 3:13

Tassu’moKomi amMi rampananni tu taumMi, amMi rampananni tu to mangka Mitokko. Miro’pok dao mai tu bubungan banuanna to tang mekaaluk, sia Mitesse tu parandangan banuanna sae lako batu ringki’ diongna lu.

YESAYA 64:1

Aa, kemMi bangngai tu mintu’ langi’, amMi songlo’, anna tigega’ tu mintu’ buntu dio oloMi,

KATASSURAN 13:18

Sangadinna Napasepang Puang Matua, tu tau iato mai, unnola lalan ma’palulako padang pangallaran tasik Teberau. Ke’de’mi tu to Israel tassu’ lan mai tondok Mesir, sakka’ pa’bunona.

TO PARENGNGE’ 4:14

Ma’kadami tu Debora lako Barak nakua: Ke’de’moko, belanna allo iate Nasorongi PUANG tu Sisera tama limammu; tang PUANG raka male undoloangko? Solo’mi tu Barak dao mai buntu Tabor sisola tu to sangpulo sa’bu undi urrundu’i.