PA’PUDIAN 64:9 - Sura' Madatu

⁹ Tongka’ dililana kalena untobanganni tu tau iato mai, sia minda-minda untiroi tu tau iato mai la unniling-iling.

PA’PUDIAN 64:9 Referans Kwoze

YEREMIA 51:10

PUANG umpasomboi tu katongananta; maikomi talao umpa’peissananni tu penggauranNa PUANG, Kapenombanta lako Sion.

YEREMIA 50:28

Den kadanna dirangi tu to mallai tilendok dio mai tondok Babel la umpa’peissananni dio Sion tu pa’pakkanNa PUANG, Kapenombanta, iamotu pa’pakkanNa diona banua kabusunganNa.

PA’PUDIAN 40:3

Mangkamo’ Naendekan diong mai liku nanii kasanggangan, diong mai buka mapullan, Napopellesei tu lentekku dao buntu batu, sia Napabantang tu tengkaku.

HOSEA 14:9

E Efraim, la siapaRa’ tu mintu’ rapang-rapang dipodeata? – Kutanding talingamo sia Kupenunumo, – Akumo tu butung kayu sanoba’ tu tontong maluna, dio Kaleku tu nanii bu’tu buammu.

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

PA’PUDIAN 58:11

La parannu paiman tu to malambu’ ke natiroi tu pepakkan iato, sia la nabasean lentekna tu rarana to tang mekaaluk.

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

YEHEZKIEL 14:23

Tonganna, iatu tau iato mai la umpakatanakomi, ke mitiroi tu penggauranna sia kedona. Sia la mitandai kumua tae’ Kupogau’ punala bangi tu mintu’ apa mangka Kupogau’, kadanNa Puangta PUANG.

PA’PUDIAN 119:20

Bonnong tu penaangku, belanna tontong bang mamali’ lako atoramMi.

PA’PUDIAN 53:5

Tae’raka kapaissananna tu mintu’ to ma’gau’ kadake, tu unnimbakan taungKu butung ungkande bo’bo’? sia tae’ nameongli’ lako Puang Matua.

PA’PUDIAN 59:13

Iatu motokan lilana, iamo kasalan sun dio pudukna, iamoto melo ke ditingkanni natumang matampona, sia belanna tampak ropunna sia mo’rang nasa’bu’.

PA’PUDIAN 140:10

Nake nasamboi ipona sia kada kadakena sule tu mintu’ to umpatama limbuna’.