PA’PUDIAN 64:7 - Sura' Madatu

⁷ Tau iato mai umpana’ta’ mintu’ kakadakean, nakua: Tepumokan, iatu kasiturusangki ditangnga’ mandalan tongan! Belanna iatu tangnga’na sola nasangi sia karangan inaanna mandalan tongan.

PA’PUDIAN 64:7 Referans Kwoze

SARAMBU PEADA’ 6:15

Iamoto iatu kasangganganna urrampoi tang dikapang-kapang, ta’pa la diru’puk, naurungan tae’mo nakullei dipamondo.

PA’PUDIAN 18:14

Gumalugumi tu PUANG dao langi’, sia umpatialling gamaranNa tu Puang Patodoranna – (uran batu sia ruaya borrong).

YESAYA 30:13

iamoto, iatu kasalan iate la dadi kasanggangan lako kalemi susitu ba’tu pira-pira batu la tuan dao mai rinding tembo’ malangka’, tu re’ba, tu tang dikapang anna ta’pa tuan.

SARAMBU PEADA’ 29:1

Minda-minda ditole-tole dipakilala, anna tontong bang matoro, ta’pa la disabu’i anna tang tundu-tunduannamo.

PA’PUDIAN 73:19

Umba nakua tu tau iato mai narua kasanggangan metakuran lan sangkappidian mata, sappi, mangsan napobua’ apa pasanggangan:

AYUB 6:4

Belanna iatu anak pananna To umpoissan angga maritik untossokmo’, sia namimmi’ penaangku tu ipona; iatu mintu’ mepatirambanna dio mai Puang Matua ma’pampangammo ullaoina’.

PA’TOLE 32:42

La Kupalangoi rara tu tinaranKu sia pa’dangKu la namoso duku’: iamotu rara to dipongko sia to dirampa, sia ulu nanii beluak ma’rundunna uali.

PA’TOLE 32:23

La Kuboton tu kamandasan lako tau iato mai, sia mintu’ tinaranKu la Kupananni tu tau iato.

MATIUS 24:40

Attu iato iatu tau da’dua dio pa’lak, misa’ la disolan na misa’ la ditampe.

1 DATU 22:34

Apa den misa’ tau tu tae’ naangga’i ma’pana, anna ruai tu datu to Israel dio to’ pa’pasitammuan bayu kararran. Nakuami lako tu to untoe ulang darang karetana: Bintii sule tu ulang, ammu solanna’ sun lan mai to’ surodadu, belanna bangkemo’.

PA’PUDIAN 64:4

Tu unnasa lilana butung la’bo’ sia unnando-ando bulianna, iamotu kada mapannang.

TOMANGADA’ 9:3

Inde sia tu apa tarru’ kadake tu mintu’na dadi lan naarrang matanna allo, iamotu pada tu dalle’ urrampoi sola nasang; iamoto iatu penaanna ma’rupa tau ponno kakadakean, sia kapusan lan penaanna lan mintu’ allo katuoanna; sia undinnato mintu’ tau ma’palulako inan tomate.

YEREMIA 17:9

Iatu penaa mandu patangnga’ na iatu mintu’ apa, sia pasanggang; mindara ma’din la untandai?