PA’PUDIAN 60:2 - Sura' Madatu

² Tonna sirari Daud tu to Aram dio mai Mesopotami sia to Aram dio mai Zoba, sia iatonna sule tu Yoab anna untalo sangpulo dua sa’bunna to Edom dio rante Ma’sin.

PA’PUDIAN 60:2 Referans Kwoze

2 OSSORANNA DATU 7:14

na iatu taungKu, tu umpotoding sangangKu, anna umpamadiongan penaanna massambayang sia umpengkanorongiNa’ sia mengkatoba’ dio mai lalan kadakena, la Kuperangii dao mai suruga sia la Kupa’dei tu kasalanna sia la Kupamasakke-sakke sule tu tondokna.

HOSEA 6:1

Maikomi, anta sule lako PUANG! Belanna Iamo mangka usserek-serekki’, sia Ia la umpamondoki’, Ia umbambaki’, sia Ia la umbimbinki’.

YESAYA 30:26

Attu iato arrang bulan masero la susi arrang mata allo mapannang sia arrang mata allo la pempitu parrangna pada to arrang allo pitung allo, iamoto ke allo Nanii PUANG umbimbinni tu bangkena taunNa sia umpamondo mintu’ kama’la’poan lalan pa’bambaNa.

YEHEZKIEL 34:16

Iatu mai pa’dena la Kudaka’ sia iatu pusanna la Kupasule; iatu dibangkeinna la Kubimbin sia iatu masakinna la Kupamatoto’, apa iatu malompona sia iatu mawatangna la Kusanggangi. La Kukambi’ susi sipatunna dipogau’.

YEREMIA 48:38

Dao mintu’ bubungan banua Moab sia lan lu mintu’ pasa’na sisumarroan tu mai tau, belanna Kusanggangmo tu Moab susi pareanan litak, tu tang naporaimo tau, kadanNa PUANG.

YEREMIA 10:10

Apa PUANG, Iamo Kapenomban tongan, Iamo Kapenomban tuo sia Datu matontongan; tete dio kare’dekanNa anna tigega’ tu lino sia iate mai bangsa tae’ untananni tu kasengkeanNa.

YEREMIA 4:24

Iatongku mentingara langngan mintu’ buntu, tiseno nasangmo sia mintu’ tanete tigega’mo.

YESAYA 5:25

Iamoto anna re’dek tu ara’Na PUANG lako taunNa sia Nae’teran lima tu tau iato mai anNa pata’pai, naurunganni tiseno-seno tu mai buntu, na iatu mai batang rabukna tau iato mai butung rumpang situlambenan lako lalan. Moi anna susito iate mintu’na, tae’ anna poradanni kasengkeanNa Puang, sangadinna tontong bangpa tie’te’ tu limanNa.

PA’PUDIAN 18:7

Iatongku lan kamatakuran meongli’na’ langngan PUANG, sia mengkamoyana’ lako Kapenombangku. Narangimo tu gamarangku lan banua kabusunganNa, sia rampomo tama talinganNa tu pengkamoyaku.

MATIUS 27:51

Pakalan natipa’duamo tu kulambu lan Banua Kabusungan, tempon dao mai sae rokko; sia tiseno-seno tu padang; sia iatu mai buntu batu silalla-lalla.

HABAKUK 3:10

NatiroKomi tu mintu’ buntu, anna ma’parondo, lendu’mi tu uai buda tibarrak dao mai, iatu uai buda diong aa’ mi’lan mongngo’ sia unnangka’ limanna langngan.

AMOS 8:8

Tang bannang dionaraka mintu’na te, anna tiseno te lino, naurunganni ma’pote dibolong tu mintu’ tau untorroi? Tang kendek nasangraka susi Nil sia tise’go’, sia mere sule susi salu Mesir?

YEREMIA 30:17

Belanna Aku la umpamalekeko sia umpamondoi tu bangkemu, kadanNa PUANG, tu belanna nasangaiko tau to ditibe, e Sion, tu moi misa’ tau tae’ umpekutananni.

YEREMIA 14:17

Iamoto pokadai te lako tau iato mai, kumua: Tae’ torena sitanutuan tu uai matangku ke bongi sia keallo, belanna anak dara, lai’na bangsaku bangkemo, iamotu bangke kapua, belanna nakandalan pa’dang.

PA’PUDIAN 114:7

Rumontingko dio olona Puang, e lino. Dio olona Kapenombanna Yakub,

AYUB 9:6

Ia umpatiseno kuli’na padang, anna tilele, naurungan tilento tu mai lentongna.

YESAYA 7:8

Sangadinna iatu Damsyik la tontong napopennuluan tondok Aram na Rezin napokambuno kapayungan Damsyik; – annanpa pulona llima taunna anna disanggang tu Efraim, naurunganni tae’mo anna tulangdan misa’ bangsa tu tau iato mai. –

PA’PUDIAN 104:32

IanNa pata’pai mata tu lino, tiseno-senomi, ianNa tumbui tu mai buntu, merambumi.

PA’PUDIAN 89:40

Mangkamo Mipoka tu basseMi sola taumMi, sia Mipamatunamo tu makotana naurunganni ronno’ sala rokko padang.

AYUB 5:18

Belanna Ia ma’pamapa’dik sia Ia ma’pamole, Ia ma’bamba sia limanNa ma’pamondo.

BATING 2:13

Apara tu la kupokadangko, apara tu ma’din kupasangtintiangko, e anak dara Yerusalem! Apara kupasangtenderan a’gammu la umpakatanako, o anak dara, iamotu baine anakna Sion? Belanna malua’ tu bangkemu ten to tasik; mindara ma’din undampiko?

2 SAMUEL 22:8

Lino’mi tu padang sia tigega’, sia mintu’na parandangan langi’ tiseno, sia tigega’ belanna kare’dekanna ara’Na.

KATASSURAN 15:11

O, PUANG, iatu mintu’ deata mindara tu la ussitinti-batuangKomi, mindara tu susimMi, dipatarompo’ tete dio kamaindanan, metakuran tete dio penggauran kapudian, tu umpogau’ tanda kalle-kallean.

2 SAMUEL 8:1

Mangkato natalomi Daud tu to Filistin, napalumbangi baka direngnge’; narampai dio mai to Filistin tu kakuasan lan kota.

1 OSSORANNA DATU 18:3

Sia natalo Daud tu Hadadezer, datu Zoba, sikandappi’ Hamat, tonna male umpabantang kuasanna dio lu salu Efrat.

1 OSSORANNA DATU 18:5

Pakalan saemi tu to Aram dio mai Damsyik la untundui tu Hadadezer, datu Zoba, apa natalo Daud tu to Aram, anna mate duangpulo sa’bu.

1 OSSORANNA DATU 18:12

Iatu Abisai, anakna muane Zeruya, untalo to Edom, diong Lombok Ma’sin, namate sangpulo karua sa’bunna.