PA’PUDIAN 6:6 - Sura' Madatu

⁶ Belanna lan kamatean tae’mo kapengkilalan lako Kalemi, sia lan lino to mate mindapa la umpudiKomi?

PA’PUDIAN 6:6 Referans Kwoze

PA’PUDIAN 69:3

Tammanna’ rokko buka mandalan, tu tae’ makarra’na dinii mellese; sia tallanna’ rokko liku mandalan, tu nanii ungkabu’na’ uai.

PA’PUDIAN 42:3

Ma’rang tu deatangku lako Puang Matua, ondongpi lako Puang Matua matontongan; ba’tu piran kula sae la mennolo dio oloNa Puang Matua?

PA’PUDIAN 38:9

Iate aku te bo’yo’ tonganna’ sia bonnongna’, sia urrantangna’ sarro belanna karossoanna penaangku.

BATING 2:11

Saunanmo tu matangku tumangi’, iatu ba’tengku naponnoi kamagiangan, rantang tonganmo tu buaku napobua’ kasangganganna anak dara bangsaku, belanna iatu mai pia’-pia’ sia iatu mai ma’susunnapa tibambang ma’ipu dio lu tana lapang lan kota.

BATING 1:16

Iamoto angku tumangi’ bang, iatu matangku, iatu matangku sitanutuan tu uainna, belanna sikambelana’ to ma’pakatana, tu umpapaya deatangku; iatu mai anakku muane pussakmo, belanna mawatang tu uali!

BATING 1:2

Unnade-ade tumangi’ situ’turan bongi, sia umpendau’ uai matanna, moi misa’ tau tae’ bang umpakatanai, dio lu tu mintu’ muane ungkamali’i; iatu mintu’ sangmanena tang maruru’mo lako kalena, anna mendadi ualinna.

AYUB 23:2

Totemo iatu sarroku kapabali-baliammo, moi na iatu kasumarroangku natampunpa limangku.

AYUB 16:20

Moi natelle-tellena’ tu mai sangmaneku, apa iatu matangku ma’palulako bang Puang Matua;

AYUB 7:3

Susi dukato tu aku dipaketaa kamaparisan pirang-pirang bulan, sia dipapatuanna’ kamandasan pirang-pirang bongi.

LUKAS 7:38

Saemi dio boko’Na Yesu, narampo tumangi’ diong to’ lette’Na, sae lako napabonakki uai matanna tu lentekNa, napa’dii beluakna, naudungi tu lentekNa, namane umpalakoi tu minna’ pandere’.

YEREMIA 14:17

Iamoto pokadai te lako tau iato mai, kumua: Tae’ torena sitanutuan tu uai matangku ke bongi sia keallo, belanna anak dara, lai’na bangsaku bangkemo, iamotu bangke kapua, belanna nakandalan pa’dang.

PA’PUDIAN 88:9

Mipatoyangmo dio mai kaleku tu mai sitandangku, sia Mipatulangdanmo’ napomagalli tau iato mai; tikurungmo’ sia tae’mo kubelai lelo.

PA’PUDIAN 39:12

Iake Mipandasai tu tau, belanna natumang kakelokanna, misanggang tu kameloanna susito nakande busung, manassa iatu mintu’ tolino susi bangri damo’. Sela

AYUB 10:1

Iatu penaangku mosomo tuo, kulendokan bang tu sarroku, sia ma’kadana’ lan kamapairan penaangku.

PA’PUDIAN 30:10

Apara upa’na tu raraku, ke tileakna’ rokko pa’tambunan? Ma’dinraka tu litak la umpudiKomi, ma’dinraka la umpa’peissanan kamarurusamMi?

PA’PUDIAN 88:11

Ma’dinroKomika umpogau’ kalle-kallean lako to mate; sia ma’dinraka tu bombo to mate malimbangun la umpudiKomi?

PA’PUDIAN 115:17

Tae’ anna ia tu to mate la umpudi PUANG, ba’tu to lendu’mo rokko ma’allun-allunna.

YESAYA 38:18

Belanna iatu lino to mate tae’ napudi-pudiKomi sia iatu kamatean tae’ napakala’bi’Komi; minda-minda tu rokkomo lamunan tae’ narannuanni tu kamarurusamMi.