PA’PUDIAN 59:4 - Sura' Madatu

⁴ Belanna morai tongan unnala sunga’ku, sia mintu’ to masa’ga’ la ullaoina’, moi tae’ kapatodo-tintingangku ba’tu kasalangku, o PUANG.

PA’PUDIAN 59:4 Referans Kwoze

PA’PUDIAN 35:23

Ke’de’Komi sia ingaranni ussanda tongannina’, diona kara-karaku, o Kapenombangku sia Puangku.

ROMA 3:15

Lentekna maleke umpato’do rarana tau;

PENGGAURANNA RASULU’ 23:15

Iamoto totemo la mipamaleso sola Ada’ lako kamandang kumua anna sae ussolanni lako kalemi, susito kumua la miparessa tongan-tongan tu kara-karana, angki marea bangmo kami kipadoloi umpatei ke tae’pi narampo lako kalemi.

YESAYA 59:7

Iatu lentekna matira’ la umpogau’ kakadakean sia madomi’ umpatibollo rarana to tang sala; mintu’ karangan inaanna, tangnga’ kabulitukan manna sia dio lalanna kasanggangan manna sia kamatilakan.

YESAYA 51:9

MatangkinKomi, matangkinKomi, pakei tu kamawatangammi e takia’Na PUANG! MatangkinKomi susito pirambongi’, tonna linona to dolo-dolo. Tae’raka na Kamu tu umba’ta Rahab sia urrok naga tasik?

SARAMBU PEADA’ 1:16

belanna iatu lette’na tau iato mai ma’dondo lako kakadakean sia matira’ la umpatibollo rara.

PA’PUDIAN 44:23

Apa tu belanna Kamumora angki dipatei keallo-keallo, dipasusikan domba la ditunu.

PA’PUDIAN 35:19

Da anna parannu tu to tae’ bannangna nanii unnualina’, sia da maro’ Mieloranni tu to ungkabiri’ punala bangna’ untelle-tellena’ pa’kidi’ matanna.

PA’PUDIAN 5:6

Iatu to matampo tae’ nabelai bendan dio oloMi sia Mikabiri’ tu mintu’ to umpogau’ kakelokan.

KADADIAN 40:15

Belanna iatu aku te naboko bangra’ tau lan mai tondok to Ibrani, inde duka mai tae’ tu apa kupogau’ tu sipatu nanii tau umpatamana’ te lo’ko’.

1 SAMUEL 19:4

Napokada melomi Yonatan tu diona Daud lako Saul, ambe’na, nakua: Da mipogau’ kakadakean lako Daud, kaunanmi, belanna tang umpogau’ kadake lako puangku, sangadinna iatu napogau’na kapua gai’na lako puangku.

PA’PUDIAN 56:7

Sipakulu-kulu tu tau iato mai sia membuni, sia umpenunu tengkaku, anna tumaya la unnala sunga’ku.